Саясат

Автор: ADMIN

Саясат 2025-03-18 06:37:55

Следуй за нами

9

جاڭا داۋىردىڭ جوبالارى: قازاقستاندا قانداي ينفراقۇرىلىمدىق وزگەرىستەر كۇتىلۋدە?

news single

ۇلتتىق قۇرىلتايدىڭ IV وتىرىسىندا پرەزيدەنت قاسىم-جومارت توقاەۆ ەلدىڭ ينفراقۇرىلىمىن دامىتۋعا باعىتتالعان بىرقاتار ماڭىزدى باستامالاردى جارييالادى. بۇل جوبالار ايماقتار اراسىنداعى تەڭسىزدىكتى جويىپ, ەكونوميكالىق دامۋدى جەدەلدەتۋدى كوزدەيدى. الداعى جىلدارى گاز, ەنەرگەتيكا, كولىك, لوگيستيكا, تسيفرلىق ينفراقۇرىلىم, مەديتسينا جانە بىلىم بەرۋ سالالارىندا اۋقىمدى وزگەرىستەر ورىن الماق, دەپ حابارلايدى Shalqar.kz.

ەنەرگەتيكا جانە گاز ينفراقۇرىلىمى

2025-2026 جىلدارى قاشاعاندا جاڭا گاز وڭدەۋ زاۋىتى ىسكە قوسىلادى. سونىمەن قاتار, «تالدىقورعان – ۇشارال» جانە «بەينەۋ–بوزوي-شىمكەنت» گاز قۇبىرلارىنىڭ قۇرىلىسى جۇرەدى. قىزىلوردا مەن تۇركىستان وبلىستارىندا بۋ-گاز قوندىرعىلارى نەگىزىندە جاڭا ەلەكتر ستانتسييالارى سالىنىپ, الماتىداعى جەو-2 جانە جەو-3 جاڭعىرتىلادى.

پرەزيدەنت اتوم ەنەرگەتيكاسىنا دا توقتالىپ, قازاقستاندا ۇش اتوم ەلەكتر ستانتسيياسىن سالۋ قاجەت ەكەنىن اتاپ وتتى. بۇل شەشىم ەلدىڭ بولاشاقتاعى ەنەرگييا قاجەتتىلىگىن قامتاماسىز ەتۋگە باعىتتالعان.

كولىك جانە لوگيستيكا

ەلىمىزدە جاڭا تەمىرجول جانە اۆتوجول جوبالارى ىسكە اسادى. «دوستىق-مويىنتى» تەمىرجول جەلىسى مەن الماتى بەكەتىن اينالىپ وتەتىن تەمىرجول قۇرىلىسى اياقتالادى. سونىمەن قاتار, اقتاۋدا كاسپيي جاعالاۋىندا كونتەينەرلىك حاب, «قورعاس – شىعىس قاقپاسى» ارنايى ەكونوميكالىق ايماعىندا حالىقارالىق اۋەجاي سالىنادى.

اۆتوكولىك ينفراقۇرىلىمى دا ايتارلىقتاي داميدى. استانادان ارقالىق, تورعاي, ىرعىز ارقىلى وتەتىن جاڭا اۆتوجول سالىنىپ, جول جۇرۋ قاشىقتىعى 560 شاقىرىمعا قىسقارادى. ارقالىق اۋەجايى دا قايتا جاڭعىرتىلادى.

تسيفرلىق قازاقستان: جاساندى ينتەللەكت جانە بايلانىس

پرەزيدەنت تسيفرلىق ينفراقۇرىلىمدى دامىتۋعا ەرەكشە نازار اۋداردى. كاسپيي تەڭىزىنىڭ تۇبىمەن ەۋروپا مەن ازييانى بايلانىستىراتىن تالشىقتى-وپتيكالىق بايلانىس جەلىسى تارتىلادى. سونىمەن قاتار, اقش, باا جانە قىتاي كومپانييالارىمەن بىرگە Smart City جوبالارى ىسكە قوسىلادى.

بىلىم بەرۋ جانە مەديتسينا سالاسىنداعى وزگەرىستەر

«جايلى مەكتەپ» ۇلتتىق جوباسى اياسىندا 500 مىڭ وقۋشىعا ارنالعان 200-دەن استام جاڭا مەكتەپ سالىنادى. تەحنيكالىق جانە كاسىپتىك بىلىم بەرۋ مەكەمەلەرىنىڭ ماتەريالدىق بازاسى نىعايتىلادى, قوسشى قالاسىندا حالىقارالىق كوللەدج اشۋ جوسپارلانۋدا.

دەنساۋلىق ساقتاۋ سالاسىندا 2024 جىلدىڭ سوڭىنا دەيىن اۋىلدىق جەرلەردە 188 جاڭا مەديتسينالىق مەكەمە بوي كوتەرەدى. الماتىدا جۇقپالى اۋرۋلار ۇلتتىق عىلىمي ورتالىعى, استانادا ۇلتتىق ونكولوگييا ورتالىعىنىڭ جاڭا عيماراتى سالىنادى.

ەكولوگييا جانە تۋريزم

ەكولوگييالىق باستامالار اياسىندا بالقاش كولىندە تۇران جولبارىسىنىڭ پوپۋلياتسيياسىن قالپىنا كەلتىرۋ جۇمىستارى جۇرگىزىلەدى. سونىمەن قاتار, كاسپيي يتبالىعى مەن ىلبىستى قورعاۋ بويىنشا جوبالار ىسكە اسادى.

بۋراباي كۋرورتتىق ايماعىن دامىتۋعا 140 ميلليارد تەڭگە بولىنىپ, جاڭا كونگرەسس-ورتالىق سالىنادى. Щۋچينسك-بۋراباي كۋرورتتىق ايماعىنىڭ ينفراقۇرىلىمى جاڭارتىلىپ, تۋريستىك ماۋسىمنان تىس ۋاقىتتا دا كەلۋشىلەر سانىن ارتتىرۋ كوزدەلىپ وتىر.

جاڭا قازاقستان جولىندا

مەملەكەت باسشىسى قازاقستاننىڭ بولاشاعى تورت نەگىزگى باعىتقا بايلانىستى ەكەنىن اتاپ وتتى:
 • تسيفرلاندىرۋ جانە جاساندى ينتەللەكت
 • كولىك جانە لوگيستيكا
 • ەنەرگەتيكا
 • اگروونەركاسىپ كەشەنى مەن ادامي كاپيتال

بۇل جوبالار ەل ەكونوميكاسىن جاڭا دەڭگەيگە كوتەرىپ, قازاقستاندى الەمدىك ارەنادا باسەكەگە قابىلەتتى مەملەكەتكە اينالدىرۋعا ىقپال ەتەدى.

Басқалармен бөлісе отырыңыз
Пікірлер

Все новости


Международное интернет-издание "Shalqar kz"
Подписка на важную информацию международного интернет-издания "Shalqar kz" Будьте в курсе последних новостей Ваша электронная почта подписаться