Автор: ADMIN
Jaña däuirdiñ jobaları: Qazaqstanda qanday infraqwrılımdıq özgerister kütilude?

Wlttıq qwrıltaydıñ IV otırısında Prezident Qasım-Jomart Toqaev eldiñ infraqwrılımın damıtuğa bağıttalğan birqatar mañızdı bastamalardı jariyaladı. Bwl jobalar aymaqtar arasındağı teñsizdikti joyıp, ekonomikalıq damudı jedeldetudi közdeydi. Aldağı jıldarı gaz, energetika, kölik, logistika, cifrlıq infraqwrılım, medicina jäne bilim beru salalarında auqımdı özgerister orın almaq, dep habarlaydı Shalqar.kz.
Energetika jäne gaz infraqwrılımı
2025-2026 jıldarı Qaşağanda jaña gaz öñdeu zauıtı iske qosıladı. Sonımen qatar, «Taldıqorğan – Üşaral» jäne «Beyneu–Bozoy-Şımkent» gaz qwbırlarınıñ qwrılısı jüredi. Qızılorda men Türkistan oblıstarında bu-gaz qondırğıları negizinde jaña elektr stanciyaları salınıp, Almatıdağı JEO-2 jäne JEO-3 jañğırtıladı.
Prezident atom energetikasına da toqtalıp, Qazaqstanda üş atom elektr stanciyasın salu qajet ekenin atap ötti. Bwl şeşim eldiñ bolaşaqtağı energiya qajettiligin qamtamasız etuge bağıttalğan.
Kölik jäne logistika
Elimizde jaña temirjol jäne avtojol jobaları iske asadı. «Dostıq-Moyıntı» temirjol jelisi men Almatı beketin aynalıp ötetin temirjol qwrılısı ayaqtaladı. Sonımen qatar, Aqtauda Kaspiy jağalauında konteynerlik hab, «Qorğas – Şığıs qaqpası» arnayı ekonomikalıq aymağında halıqaralıq äuejay salınadı.
Avtokölik infraqwrılımı da aytarlıqtay damidı. Astanadan Arqalıq, Torğay, Irğız arqılı ötetin jaña avtojol salınıp, jol jüru qaşıqtığı 560 şaqırımğa qısqaradı. Arqalıq äuejayı da qayta jañğırtıladı.
Cifrlıq Qazaqstan: jasandı intellekt jäne baylanıs
Prezident cifrlıq infraqwrılımdı damıtuğa erekşe nazar audardı. Kaspiy teñiziniñ tübimen Europa men Aziyanı baylanıstıratın talşıqtı-optikalıq baylanıs jelisi tartıladı. Sonımen qatar, AQŞ, BAÄ jäne Qıtay kompaniyalarımen birge Smart City jobaları iske qosıladı.
Bilim beru jäne medicina salasındağı özgerister
«Jaylı mektep» wlttıq jobası ayasında 500 mıñ oquşığa arnalğan 200-den astam jaña mektep salınadı. Tehnikalıq jäne käsiptik bilim beru mekemeleriniñ materialdıq bazası nığaytıladı, Qosşı qalasında halıqaralıq kolledj aşu josparlanuda.
Densaulıq saqtau salasında 2024 jıldıñ soñına deyin auıldıq jerlerde 188 jaña medicinalıq mekeme boy köteredi. Almatıda Jwqpalı aurular wlttıq ğılımi ortalığı, Astanada Wlttıq onkologiya ortalığınıñ jaña ğimaratı salınadı.
Ekologiya jäne turizm
Ekologiyalıq bastamalar ayasında Balqaş kölinde Twran jolbarısınıñ populyaciyasın qalpına keltiru jwmıstarı jürgiziledi. Sonımen qatar, Kaspiy itbalığı men ilbisti qorğau boyınşa jobalar iske asadı.
Burabay kurorttıq aymağın damıtuğa 140 milliard teñge bölinip, jaña Kongress-ortalıq salınadı. Şuçinsk-Burabay kurorttıq aymağınıñ infraqwrılımı jañartılıp, turistik mausımnan tıs uaqıtta da keluşiler sanın arttıru közdelip otır.
Jaña Qazaqstan jolında
Memleket basşısı Qazaqstannıñ bolaşağı tört negizgi bağıtqa baylanıstı ekenin atap ötti:
• Cifrlandıru jäne jasandı intellekt
• Kölik jäne logistika
• Energetika
• Agroönerkäsip keşeni men adami kapital
Bwl jobalar el ekonomikasın jaña deñgeyge köterip, Qazaqstandı älemdik arenada bäsekege qabiletti memleketke aynaldıruğa ıqpal etedi.
Басқалармен бөлісе отырыңыз
Пікірлер

Басты жаңалықтар

Apple Qazaqstanda densaulıqqa arnalğan smart-servisterdi iske qostı

Apple قازاقستاندا دەنساۋلىققا ارنالعان سمارت-سەرۆيستەردى ىسكە قوستى
Последние новости

AQŞ 185 elge baj salığın engizdi: Qazaqstanğa qanday äseri bar?

اقش 185 ەلگە باج سالىعىن ەنگىزدى: قازاقستانعا قانداي اسەرى بار?

Apple Qazaqstanda densaulıqqa arnalğan smart-servisterdi iske qostı