Әлемдегі ең беделді оқу орындарының бірі – Гарвард университеті – әлеуметтік жағынан аз қамтылған отбасылардың балалары үшін білімді толықтай тегін ететінін мәлімдеді. CNN агенттігінің хабарлауынша, 2025 оқу жылынан бастап жылдық табысы 200 мың доллардан аспайтын отбасылардың балалары университетте ақысыз білім алу мүмкіндігіне ие болады, деп хабарлайды Shalqar.kz.

Бұл бастама аясында студенттер тек оқу ақысынан ғана емес, жатын орны, медициналық сақтандыру, жол жүру шығындары сияқты басқа да қаржылық міндеттемелерден босатылады. Айта кетейік, қазіргі уақытта Гарвардта білім алу құны жылына 83 мың долларды құрайды.

Гарвард университеті 2004 жылдан бері әлеуметтік жағдайы төмен студенттерді қолдауға бағытталған түрлі бағдарламаларды жүзеге асырып келеді. Жаңа шешім – білімге ұмтылған жастар үшін үлкен мүмкіндік.