Қоғам

Автор: ADMIN

Қоғам 2026-04-11 20:39:00

Біз әлеуметтік желілерде:

ДИАЛОГ ПЕН СЕРІКТЕСТІК: ҮЕҰ-МЕН ӨЗАРА ІС-ҚИМЫЛ ЖӨНІНДЕГІ КЕҢЕСТІҢ ОТЫРЫСЫ

news single

    Бүгін Алматыда қала әкімінің орынбасары Абзал Нүкеновтың төрағалығымен «Алматы қаласы Әкімдігі жанындағы үкіметтік емес ұйымдармен ынтымақтастық және өзара іс-қимыл жөніндегі кеңестің отырысы өтті. Күн тәртібінде мегаполисті дамытудың негізгі бағыттары мен оны шешудегі азаматтық қоғамның рөлі талқыланды. Отырыс барысында бірнеше маңызды жүйелі мәселелер көтерілді: Ұлт саулығы: халық арасында дұрыс тамақтану қағидаларын насихаттау. Балалар қауіпсіздігі: мектептерде жол жүру ережелері бойынша түсіндіру жұмыстарын күшейту. Әлеуметтік қолдау: әлеуметтік мекеме түлектерін тұрғын үймен қамтамасыз ету мәселелері. Тиімді байланыс: мемлекеттік органдар мен қоғам арасындағы сапалы коммуникацияны қалыптастыру. Жиын соңы жағымды жаңалықпен аяқталды.

   Әкімнің орынбасары Абзал Нүкенов қаланың қоғамдық өміріне белсене араласқан бірқатар ҮЕҰ басшылары мен белсенді азаматтарға Алғыс хат табыс етті. Марапатталғандардың қатарында Халықаралық «Жанашыр» қоғамдық қорының президенті Жаңыл Әпетова да бар. «Марапатталғандар қатарында болу - мен үшін үлкен мәртебе! Бұл марапат - «мемлекеттік орган – ҮЕҰ – азаматтық қоғам» арасындағы өзара іс-қимылдың нәтижелі екенінің және біздің үніміздің естілетіндігінің дәлелі.

    Сүйікті қаламыздың игілігі үшін жұмысты жалғастыра береміз!» - дейді Жаңыл Амантайқызы. Мұндай алаңдар - жай ғана талқылау емес, бұл «мемлекеттік органдар – ҮЕҰ – азаматтық қоғам» моделі арқылы нақты шешімдерге бастайтын жол.

 

 Інжу Сағидолла 

Басқалармен бөлісе отырыңыз
Пікірлер

Все новости


Международное интернет-издание "Shalqar kz"
Подписка на важную информацию международного интернет-издания "Shalqar kz" Будьте в курсе последних новостей Ваша электронная почта подписаться