logo
burger menu search Қазақша language menu
МҰРА

Автор: ADMIN

МҰРА 2026-04-14 20:14:24

Біз әлеуметтік желілерде:

قارا سوزدەر (17-قارا سوز)

news single

    قايرات, اقىل, جۇرەك ۇشەۋى ونەرلەرىن ايتىسىپ, تالاسىپ كەلىپ, عىلىمعا جۇگىنىپتى.

 

   قايرات ايتىپتى: «ەي, عىلىم, وزىڭ دە بىلەسىڭ عوي, دۇنيەدە ەشنارسە مەنسىز كامەلەتكە جەتپەيتۇعىنىن; اۋەلى, وزىڭدى بىلۋگە ەرىنبەي-جالىقپاي ۇيرەنۋ كەرەك, ول - مەنىڭ ىسىم. قۇدايعا لايىقتى عيبادات قىلىپ, ەرىنبەي-جالىقپاي ورنىنا كەلتىرمەك تە - مەنىڭ ىسىم. دۇنيەگە لايىقتى ونەر, مال تاۋىپ, ابۇيىر مانساپتى ەڭبەكسىز تابۋعا بولمايدى. ورىنسىز, بولىمسىز نارسەگە ۇيىر قىلماي, بويدى تازا ساقتايتۇعىن, كۇناكارلىكتەن, كورسەقىزار جەڭىلدىكتەن, نافسى شايتاننىڭ ازعىرۋىنان قۇتقاراتۇعىن, اداسقان جولعا بارا جاتقان بويدى قايتا جيعىزىپ الاتۇعىن مەن ەمەس پە? وسى ەكەۋى ماعان قالاي تالاسادى?» - دەپتى.   

 

     اقىل ايتىپتى: «نە دۇنيەگە, نە احيرەتكە نە پايدالى بولسا, نە زالالدى بولسا, بىلەتۇعىن - مەن, سەنىڭ سوزىڭدى ۇعاتۇعىن - مەن, مەنسىز پايدانى ىزدەي المايدى ەكەن, زالالدان قاشا المايدى ەكەن, عىلىمدى ۇعىپ ۇيرەنە المايدى ەكەن, وسى ەكەۋى ماعان قالاي تالاسادى? مەنسىز وزدەرى نەگە جارايدى?» - دەپتى.      

 

    ونان سوڭ جۇرەك ايتىپتى: «مەن - ادامنىڭ دەنەسىنىڭ پاتشاسىمىن, قان مەنەن تارايدى, جان مەندە مەكەن قىلادى, مەنسىز تىرلىك جوق. جۇمساق توسەكتە, جىلى ۇيدە تاماعى توق جاتقان كىسىگە توسەكسىز كەدەيدىڭ, توڭىپ جۇرگەن كيىمسىزدىڭ, تاماقسىز اشتىڭ كۇي-جايى قانداي بولىپ جاتىر ەكەن دەپ ويلاتىپ, جانىن اشىتىپ, ۇيقىسىن اشىلتىپ, توسەگىندە دوڭبەكشىتەتۇعىن - مەن. ۇلكەننەن ۇيات ساقتاپ, كىشىگە راقىم قىلدىراتۇعىن - مەن, بىراق مەنى تازا ساقتاي المايدى, اقىرىندا قور بولادى.

 

    مەن تازا بولسام, ادام بالاسىن الالامايمىن: جاقسىلىققا ەلجىرەپ ەريتۇعىن - مەن, جامانشىلىقتان جيرەنىپ تۋلاپ كەتەتۇعىن - مەن, ادىلەت, نىساپ, ۇيات, راقىم, مەيىربانشىلىق دەيتۇعىن نارسەلەردىڭ بارى مەنەن شىعادى, مەنسىز وسىلاردىڭ كورگەن كۇنى نە? وسى ەكەۋى ماعان قالاي تالاسادى?» - دەپتى.     

 

    سوندا عىلىم بۇل ۇشەۋىنىڭ سوزىن تىڭداپ بولىپ, ايتىپتى:       - ەي, قايرات, سەنىڭ ايتقانىڭنىڭ بارى دە راس. ول ايتقاندارىڭنان باسقا دا كوپ ونەرلەرىڭنىڭ بارى راس, سەنسىز ەشنارسەنىڭ بولمايتۇعىنى دا راس, بىراق قارۋىڭا قاراي قاتتىلىعىڭ دا مول, پايداڭ دا مول, بىراق زالالىڭ دا مول, كەيدە جاقسىلىقتى بەرىك ۇستاپ, كەيدە جاماندىقتى بەرىك ۇستاپ كەتەسىڭ, سونىڭ جامان, - دەپتى. 

 

   -ەي, اقىل! سەنىڭ ايتقاندارىڭنىڭ بارى دە راس. سەنسىز ەشنارسە تابىلمايتۇعىنى دا راس. جاراتقان تاڭىرىنى دە سەن تانىتاسىڭ, جارالعان ەكى دۇنيەنىڭ جايىن دا سەن بىلەسىڭ. بىراق سونىمەن تۇرمايسىڭ, امال دا, ايلا دا - بارى سەنەن شىعادى. جاقسىنىڭ, جاماننىڭ       ەكەۋىنىڭ دە سۇيەنگەنى, سەنگەنى - سەن; ەكەۋىنىڭ ىزدەگەنىن تاۋىپ بەرىپ جۇرسىڭ, سونىڭ جامان, - دەپتى.

 

  - سەن ۇشەۋىڭنىڭ باسىڭدى قوسپاق - مەنىڭ ىسىم, - دەپتى. بىراق سوندا بيلەۋشى, امىرشى جۇرەك بولسا جارايدى. اقىل, سەنىڭ قىرىڭ كوپ, جۇرەك سەنىڭ ول كوپ قىرىڭا جۇرمەيدى. جاقسىلىق ايتقانىڭا جانى-دىنى قۇمار بولادى. كونبەك تۇگىل قۋانادى. جامانشىلىق ايتقانىڭا ەرمەيدى. 

 

    ەرمەك تۇگىل جيرەنىپ, ۇيدەن قۋىپ شىعارادى.     

 

  - قايرات, سەنىڭ قارۋىڭ كوپ, كۇشىڭ مول, سەنىڭ دە ەركىڭە جىبەرمەيدى. ورىندى ىسكە كۇشىڭدى اياتپايدى. ورىنسىز جەرگە قولىڭدى بوساتپايدى. وسى ۇشەۋىڭ باسىڭدى قوس, بارىن دە جۇرەككە بيلەت, - دەپ ۇقتىرىپ ايتۋشىنىڭ اتى عىلىم ەكەن. وسى ۇشەۋىڭ بىر كىسىدە مەنىڭ ايتقانىمداي تابىلساڭدار, تابانىنىڭ توپىراعى كوزگە سۇرتەرلىك قاسيەتتى ادام - سول. ۇشەۋىڭ الا بولساڭ, مەن جۇرەكتى جاقتادىم. قۇدايشىلىق سوندا, قالپىڭدى تازا ساقتا, قۇداي تاعالا قالپىڭا اردايىم قارايدى دەپ كىتاپتىڭ ايتقانى وسى, — دەپتى.

Басқалармен бөлісе отырыңыз
Пікірлер

Басты жаңалықтар

img
МҰРА 2026-04-14

Қара сөздер (17-қара сөз)
img
МҰРА 2026-04-14

الاشا حان, جوشى حان تۋرالى اڭىز
img
МҰРА 2026-04-14

قارا سوزدەر (17-قارا سوز)
news-img
overlay bottom
МҰРА 2026-04-14
قارا سوزدەر (17-قارا سوز)

Последние новости

img
МҰРА 2026-04-14

Qara sözder (17-qara söz)
img
МҰРА 2026-04-14

قارا سوزدەر (17-قارا سوز)
img
Тарих 2026-04-14

ŞÄKÄRİM

Все новости

news-img
overlay bottom
МҰРА 2026-04-14
Qara sözder (17-qara söz)
news-img
overlay bottom
МҰРА 2026-04-14
قارا سوزدەر (17-قارا سوز)
news-img
overlay bottom
Тарих 2026-04-14
ŞÄKÄRİM
news-img
overlay bottom
Тарих 2026-04-14
شاكارىم
news-img
overlay bottom
Тарих 2026-04-14
ШӘКӘРІМ
news-img
overlay bottom
МҰРА 2026-04-14
Қара сөздер (17-қара сөз)
news-img
overlay bottom
МҰРА 2026-04-14
ALAŞA HAN, JOŞI HAN TURALI AÑIZ
news-img
overlay bottom
МҰРА 2026-04-14
الاشا حان, جوشى حان تۋرالى اڭىز
news-img
overlay bottom
Ұлттық құндылықтар 2026-04-14
Jeti qazınağa neler jatadı? Jeti Irıs degenimiz ne?
Международное интернет-издание "Shalqar kz"
Подписка на важную информацию международного интернет-издания "Shalqar kz" Будьте в курсе последних новостей Ваша электронная почта подписаться