22 ناۋرىزدا اقتاۋ قالاسىندا مىڭداعان ادام قازاقتىڭ ۇلتتىق كيىمدەرىن كيىپ, گيننەسس رەكوردىن ورناتتى. 5000-نان استام تۇرعىن “قازاق ۇلتتىق كيىمىن كيگەن ادامدار سانى” بويىنشا جاڭا رەكوردقا قول جەتكىزدى. بۇل شارا “Best Fest Nauryz” اتتى مەرەكە اياسىندا وتتى. وعان 5500-دەن استام ادام قاتىستى, ولاردىڭ ىشىندە وڭىردىڭ تۇرعىندارى, ەتنوس وكىلدەرى جانە باسقا ايماقتاردان كەلگەن قوناقتار بولدى, دەپ حابارلايدى Shalqar.kz.

رەكورد ورناتۋ راسىمى كاسپيي تەڭىزىنىڭ جاعالاۋىندا وتتى, ال گيننەسس رەكوردتار كىتابىنىڭ رەسمي وكىلدەرى ەسەپ جۇرگىزدى. بىرنەشە ساعاتتىق ساناۋدان كەيىن جاڭا الەمدىك رەكورد راستالدى. ماڭعىستاۋ وبلىسىنىڭ اكىمى نۇرداۋلەت قيلىباي بۇل وقيعانىڭ قازاق مادەنيەتىن الەمگە تانىتۋداعى ماڭىزدى قادام ەكەنىن اتاپ وتتى.

“ۇلىستىڭ ۇلى كۇنىندە قازاق حالقىنىڭ باي مادەني مۇراسىن الەمگە پاش ەتتىك. ماڭعىستاۋدا ۇلتتىق كيىمنەن الەمدىك رەكورد ورنادى. بارشا قازاقستاندىقتاردى وسى ۇلى جەتىستىكپەن قۇتتىقتايمىن!” – دەدى ول.

شارا اياسىندا ناۋرىز مەرەكەسىنە ارنالعان كيىز ۇيلەر تىگىلىپ, قولونەر جارمەڭكەسى ۇيىمداستىرىلدى, ۇلتتىق تاعامدار ۇسىنىلىپ, قازاقشا كۇرەس پەن باسقا دا سپورتتىق جارىستار وتتى. اقتاۋداعى كونتسەرتتەر مەن تەاترلاندىرىلعان قويىلىمدار مەرەكەنى ەرەكشە جارقىراتا تۇستى.