22 naurızda Aqtau qalasında mıñdağan adam qazaqtıñ wlttıq kiimderin kiip, Ginness rekordın ornattı. 5000-nan astam twrğın “Qazaq wlttıq kiimin kigen adamdar sanı” boyınşa jaña rekordqa qol jetkizdi. Bwl şara “Best Fest Nauryz” attı mereke ayasında ötti. Oğan 5500-den astam adam qatıstı, olardıñ işinde öñirdiñ twrğındarı, etnos ökilderi jäne basqa aymaqtardan kelgen qonaqtar boldı, dep habarlaydı Shalqar.kz.

Rekord ornatu räsimi Kaspiy teñiziniñ jağalauında ötti, al Ginness rekordtar kitabınıñ resmi ökilderi esep jürgizdi. Birneşe sağattıq sanaudan keyin jaña älemdik rekord rastaldı. Mañğıstau oblısınıñ äkimi Nwrdäulet Qilıbay bwl oqiğanıñ qazaq mädenietin älemge tanıtudağı mañızdı qadam ekenin atap ötti.

“Wlıstıñ wlı küninde qazaq halqınıñ bay mädeni mwrasın älemge paş ettik. Mañğıstauda wlttıq kiimnen älemdik rekord ornadı. Barşa qazaqstandıqtardı osı wlı jetistikpen qwttıqtaymın!” – dedi ol.

Şara ayasında Naurız merekesine arnalğan kiiz üyler tigilip, qolöner järmeñkesi wyımdastırıldı, wlttıq tağamdar wsınılıp, qazaqşa küres pen basqa da sporttıq jarıstar ötti. Aqtaudağı koncertter men teatrlandırılğan qoyılımdar merekeni erekşe jarqırata tüsti.