قازاقستان رەسپۋبليكاسىنىڭ قورعانىس مينيسترلىگى ۇلى وتان سوعىسىنداعى جەڭىستىڭ 80 جىلدىعىنا وراي ارداگەرلەر مەن تىل ەڭبەككەرلەرىن ماراپاتتاۋ جوسپارلارىن جارييالادى, دەپ حابارلايدى Shalqar.kz.

مەرەيتوي اياسىندا ەلىمىزدە بىرقاتار اسكەري-پاتريوتتىق ىس-شارالار وتەدى. قورعانىس مينيسترلىگى مايداندا ەرلىك كورسەتكەن باتىرلاردى ەسكە الىپ, ەرەكشە كوزگە تۇسكەن اسكەري قىزمەتكەرلەردى قۇرمەتتەۋگە باسا نازار اۋدارىپ وتىر.

مينيسترلىكتىڭ مالىمەتىنشە, بيىل جەڭىستىڭ 80 جىلدىعىنا ارنالعان ەستەلىك مەدالь 42 مىڭ قازاقستاندىققا تابىستالادى. بۇل ماراپات, ەڭ الدىمەن, سوعىس جانە تىل ارداگەرلەرىنە ارنالماق.

– بىز سوعىس ارداگەرلەرى مەن تىل ەڭبەككەرلەرىن مەملەكەتتىك مەرەكەلەردە قۇتتىقتاۋدى داستۇرگە اينالدىردىق. سونىمەن قاتار, قازا تاپقان جاۋىنگەرلەردىڭ ەرلىگىن ۇمىتپاي, ولاردىڭ ەسىمدەرىن ماڭگى ەستە قالدىرۋعا باعىتتالعان شارالاردى جۇيەلى تۇردە جۇزەگە اسىرىپ كەلەمىز, – دەپ حابارلادى قورعانىس مينيسترلىگى.

مەرەكەگە وراي 7-9 مامىر كۇندەرى ەلىمىزدىڭ تۇكپىر-تۇكپىرىندە تۇرلى ىس-شارالار ۇيىمداستىرىلادى. سونىمەن قاتار, استانادا جەڭىستىڭ 80 جىلدىعىنا ارنالعان اسكەري پاراد وتەتىنى بەلگىلى بولدى.