اباي وبلىسىنىڭ اكىمى بەرىك ۋالي بورودۋليحا اۋدانىنا جۇمىس ساپارى بارىسىندا اۋدان ورتالىعىندا سالىنىپ جاتقان جاڭا مەشىتتىڭ قۇرىلىسىمەن تانىستى, دەپ حابارلايدى Shalqar.kz وبلىس اكىمدىگىنە سىلتەمە جاساپ.

تورت مۇناراسى بار جانە 500 ادامعا ارنالعان مەشىتتىڭ قۇرىلىسى 2023 جىلى باستالعان. قۇرىلىسقا وسى ۋاقىتقا دەيىن جەرگىلىكتى تۇرعىندار, ورىس, ارميان جانە نەمىس ۇلتتارىنىڭ وكىلدەرى, سونداي-اق دەمەۋشىلەردىڭ قولداۋىمەن شامامەن 200 ميلليون تەڭگە جۇمسالعان. قۇرىلىس جۇمىستارىنىڭ تولىق اياقتالۋى ۇشىن تاعى 30 ميلليون تەڭگە قاجەت.

ايماق باسشىسى, قۇرىلىستىڭ جوسپار بويىنشا اياقتالۋى كەزىندە مەشىت قۇربان ايتتان كەيىن پايدالانۋعا بەرىلەتىنىن اتاپ وتتى. دەمەك, جاقىن ارادا وبلىس تۇرعىندارى جاڭا عيبادات ۇيىندە دىن ۇستانۋشىلىقتارىن ورىنداۋعا مۇمكىندىك الادى.