Дерек пен дәйек

Автор: ADMIN

Дерек пен дәйек 2026-06-07 16:49:00

Біз әлеуметтік желілерде:

Жазу гигиенасы

news single

    Жазбақ болған сөзді, сөйлемді, тексті, ретті, таза, көркем етіп тындырып жазуды - жазу гигиенасы дейді. Жазу гигиенасы бірнеше мазмұнды қамтиды. Қағаз – жазу жазылатын қағазды қолданылатын жазу аспабы мен сияның ерекшелігіне қарай таңдау керек. Қауримен немесе металл қаламмен жазуға тура келсе, қағаз майда, қалыңдау және сия жайылмайтын болуы талап етіледі.

 

    Егер қарындаспен жазуға тура келсе, қағаз өшіргіш көтеретіндей болуды талап етеді. Су бояу, май бояу және сыр секілді материалдар істетілгенде, оған сәйкесті қағаз немесе панарка, қаңылтыр т.б. таңдап алынуы қажет. Талшықты қағаздардың өшіру себебінен малды қабаты зақымданған соң, сия жайылғыш болып кететіндігін де ескеру керек. Сырлы қағаздардың майлы қабатына сия немесе су бояу оңай дарымайтынын да ұмытпаған жөн. Жарық – жазу жазатын стол үстінің жарығы жеткілікті болып, сол жақтан түсуі қажет.

 

    Күн нұры немесе күн түрі ақ сәуле болғаны абзал. Өйткені сарғыш немесе басқа түсті жарық астында нәзік бояуларды айыру қиын. Тазалық – Жазу жазатын қағаздың тазалығын сақтау үшін, ең алдымен хаткерлік жұмысы барысында қажетсіну мүмкін болған қарындаш, сызғыш, циркуль, қалам, бояу, сия, өшіргіш, қайшы, пышақ, желім секілді материалдарды толықтап, ретті тізіп қою керек. Бояудың оңай төгілмейтін, орнықты орынға орналасуына, жазу аспаптарының құлау, домалау мүмкіндіктері болмауына көңіл бөлу керек. Сусын ішуге, шылым шегуге тура келгенде, жазу столынан аулақ жерде болуға әдеттенген жөн.

 

   Жазу жұмысы барысында сиямен немесе бояумен қол былғанып қалса, дереу жуып, сүртіп, тазартып отыру қажет. Ерекше сапалы хаткерлік туындымен шұғылданғанда, жазу жазылатын ерекше қағаздың үстіне қорғағыш ретінде қосымша қағаз төсеп, қолды негізгі қағазға тікелей тидірмей «орамалша» үстіне жүргізсе тіпті де жақсы болады. Жазу жұмысы барысында кеппеген сияны жайып алудан сақтануға төтенше көңіл бөлу керек. Жұмыс аяқталған соң жазу аспаптарын жуып, сүртіп, тазартып, тиісті орынға қоюды, бояулар мен сиялардың қақпағын мықтап бекітуді ұмытпау керек. Денсаулыққа көңіл бөлу – Хаткерлік жұмысымен шұғылданғанда қисаймай, жантаймай, түзу отыруға әдеттену керек. Қағаз бен көздің аралығы 25-30 см айналасында болу. Оң қолмен қалам ұстағанда, сол қолмен жазу жазылатын қағазды демеп, икемге келтіріп отыру қажет. Композиция – қағаз формасын жазылатын мәтінге қарай белгілеп, қайткенде көркем көрінетіндігін әбден тұрақтандырып алған соң, жазуға кірісу керек.

 

   Ал қағаз формасы немесе жазу жазылатын орын өлшемі бұрын тұрақтанып кеткен болса, соған үйлесімді жазу үлгісі мен жол санын қайта жобалау тиіс. Қағаздың бас-аяғынан, оң-солынан лайықты ақ орын қалдыруға, абзацтарды қызыл жолмен бастауға көңіл бөлу керек. Әдетте текстің бас-аяғынан қалдыратын бостық төрт нүкте бойынан, оң-солынан қалдыратын бостық үш нүкте бойынан тар болмауға және қызыл жолдар 6-8 нүкте кеңдігіндегі бостықтан кейін басталуы қажет. Жазылатын текстің мазмұны мен жанрлық ерекшелігіне қарай қосалқы ою-өрнек немесе сурет қыстыруға да болады. Бұл арқылы жазудың композициялық кемістігін толықтыру талабына жете аламыз.

 

   Дайындаған Әлімжан ӘШІМҰЛЫ,  хаткер.

Басқалармен бөлісе отырыңыз
Пікірлер

Все новости


Международное интернет-издание "Shalqar kz"
Подписка на важную информацию международного интернет-издания "Shalqar kz" Будьте в курсе последних новостей Ваша электронная почта подписаться