Энергетика министрі лауазымына жаңадан тағайындалған Ерлан Ақкенженов Үкімет отырысында салтанатты түрде ант берді, деп хабарлайды Shalqar.kz.

— Қазақстан халқы мен президенті алдында өз Отаным – Қазақстанның экономикалық және рухани даму ісіне барлық күш-жігерім мен білімімді жұмсауға, мемлекеттің Конституциясы мен заңдарын қатаң сақтауға, өзімнің барлық іс-әрекетімде заңдылық пен әділеттілік, азаматтық, ұлтаралық және конфессияаралық татулық принциптерін ұстануға, Қазақстан халқына адал қызмет етуге, өз елімнің мемлекеттілігі мен дүниежүзілік қоғамдастықтағы беделін нығайта беруге салтанатты түрде ант етемін, — деді Ақкенженов.

Премьер-министр Олжас Бектенов жаңадан тағайындалған министрге табыс тілеп, алдағы жұмысында жемісті нәтижелерге жетуіне сенім білдірді.

Еске салайық, Ерлан Ақкенженов осыған дейін түрлі мемлекеттік қызметтерде еңбек етіп, энергетика саласында мол тәжірибе жинақтаған. Ол экс-министр Алмасадам Сәтқалиевтің орнына тағайындалды.