Өнер

Автор: ADMIN

Өнер 2026-06-12 00:37:00

Біз әлеуметтік желілерде:

Cirque du Soleil: Алматыға қонған «Күн циркі» немесе жәндіктер әлемінің сиқыры

news single

    Биылғы жылдың ең ірі мәдени оқиғасы — әлемге әйгілі Cirque du Soleil циркінің Қазақстанға келуі. «Almaty Arena» сахнасында өздерінің танымал «OVO» шоуын ұсынған ұжым қазақстандық көрерменге бұрын-соңды болмаған театрландырылған акробатикалық ертегі сыйлады. Гастроль ауқымы: екі ұшақ толы декорация және техникалық шеберлік Cirque du Soleil шоуының жоғары деңгейі тек әртістердің шеберлігімен ғана емес, сонымен қатар олардың техникалық жабдықталуымен өлшенеді. Алматыға бұл ғажайыпты алып келу үшін компания арнайы екі ұшақпен тонналаған жабдықтар мен декорация заттарын жеткізді. Мұндағы жарық пен дыбыс жүйелері, күрделі акробатикалық құрылымдар — бәрі әлемдік стандартқа сай келеді. Цирк өкілі Жани Малле сахна сыртындағы тылсым әлемге экскурсия жасай отырып, дайындық процесінің маңыздылығын түсіндірді: «Біз саяхаттайтын сахна, техника, жарық және жабдықтар бәрі бірдей болғанымен, арена әрқалай. Сондықтан әртістерге алаңның ішкі орналасуын сезіну және барлық техникалық элементтің жоғары сапада болуы үшін алдын ала дайындалу өте маңызды. Осылайша, шоу Испанияда, Францияда, Канадада немесе АҚШ-та болса да, бірдей деңгейде өтеді».

 

 

 

   Әлемдік феномен: 1984 жылдан бүгінге дейін 1984 жылы Канадада құрылған «Күн циркі» жануарларды пайдаланбайтын әлемдегі ең ірі компания. Олар цирк өнерін акробатика, театр, би және жанды музыка арқылы жаңа деңгейге көтерді. Бүгінде компания репертуарында OVO, Mystère, KÀ, Corteo секілді әлемге танымал ондаған қойылым бар. 1984 жылдан бері цирк 80-нен астам елдің 400-ден астам қаласында өнер көрсетіп, 400 миллионнан астам көрерменді тәнті еткен. Цирктің қуаттылығы — оның кадрлық әлеуетінде. Мұнда 80-нен астам елден жиналған 1200-ге жуық әртіс және жалпы саны 4000-ға жуық қызметкер еңбек етеді. Олардың басым бөлігі — бұрынғы кәсіби спортшылар, гимнасттар мен акробаттар. Сондай-ақ, әр шоуда музыка тікелей эфирде (оркестр мен вокалистердің көмегімен) орындалады, ал арнайы шеберханаларда дизайнерлер әр қойылымға мыңдаған бірегей костюм тігеді. Қазақстан — 47-ші ел 2026 жылы Қазақстан ресми түрде Cirque du Soleil гастрольдік кестесіне енді. Бұған дейін Астанадағы «Barys Arena» сахнасында өткен шоу қазақстандық көрермендер үшін үлкен мәдени серпіліс болды.

 

    Цирктің ресми өкілі Жани Малле алғаш көріп отырған Қазақстан туралы жылы лебізін былайша білдірді: «Қазақстан біз саяхаттаған 47-ші ел болды.

 

 

    Маған алыстан тауларды көру өте ұнайды — бұл мені қатты шабыттандырады. Астана — заманауи және футуристік, ал Алматыда қаланың дәл іргесінде керемет табиғат бар. Ең бастысы — адамдар. Олар өте мейірімді және қонақжай». Айтпақшы, «Дю Солей» циркінде өнер көрсетіп жүрген қазақстандық әртістер де бар. 

 

 

   Мысалы, акробат Ернұр Сыздықов секілді дарынды жастарымыз әлемдік сахнада өз өнерлерін паш етіп, цирк брендінің абыройын асқақтатқан. Бірақ, ол бұл бағдарлама құрамында болмағандықтан бұл жолы келмеген. Бұл Қазақстанның әлемдік цирк өнерінде өзіндік орны бар екенінің айқын дәлелі.

 

  Фотоларды Cirque du Soleil OVO шоуының баспасөз қызметі ұсынды.

 

   Жаныл Апетова 

Басқалармен бөлісе отырыңыз
Пікірлер

Все новости


Международное интернет-издание "Shalqar kz"
Подписка на важную информацию международного интернет-издания "Shalqar kz" Будьте в курсе последних новостей Ваша электронная почта подписаться