ەنەرگەتيكا مينيسترى لاۋازىمىنا جاڭادان تاعايىندالعان ەرلان اقكەنجەنوۆ ۇكىمەت وتىرىسىندا سالتاناتتى تۇردە انت بەردى, دەپ حابارلايدى Shalqar.kz.

— قازاقستان حالقى مەن پرەزيدەنتى الدىندا وز وتانىم – قازاقستاننىڭ ەكونوميكالىق جانە رۋحاني دامۋ ىسىنە بارلىق كۇش-جىگەرىم مەن بىلىمىمدى جۇمساۋعا, مەملەكەتتىڭ كونستيتۋتسيياسى مەن زاڭدارىن قاتاڭ ساقتاۋعا, وزىمنىڭ بارلىق ىس-ارەكەتىمدە زاڭدىلىق پەن ادىلەتتىلىك, ازاماتتىق, ۇلتارالىق جانە كونفەسسيياارالىق تاتۋلىق پرينتسيپتەرىن ۇستانۋعا, قازاقستان حالقىنا ادال قىزمەت ەتۋگە, وز ەلىمنىڭ مەملەكەتتىلىگى مەن دۇنيەجۇزىلىك قوعامداستىقتاعى بەدەلىن نىعايتا بەرۋگە سالتاناتتى تۇردە انت ەتەمىن, — دەدى اقكەنجەنوۆ.

پرەمьەر-مينيستر ولجاس بەكتەنوۆ جاڭادان تاعايىندالعان مينيسترگە تابىس تىلەپ, الداعى جۇمىسىندا جەمىستى ناتيجەلەرگە جەتۋىنە سەنىم بىلدىردى.

ەسكە سالايىق, ەرلان اقكەنجەنوۆ وسىعان دەيىن تۇرلى مەملەكەتتىك قىزمەتتەردە ەڭبەك ەتىپ, ەنەرگەتيكا سالاسىندا مول تاجىريبە جيناقتاعان. ول ەكس-مينيستر الماسادام ساتقاليەۆتىڭ ورنىنا تاعايىندالدى.