الmaty Tourism Bureau مەن Mastercard بىرلەسىپ جۇرگىزگەن زەرتتەۋ الماتىعا كەلەتىن تۋريستەردىڭ قوزعالىسىن, تاڭداۋلارىن جانە نەگىزگى ترەندتەرىن انىقتادى. قالاعا كەلەتىن ساياحاتشىلاردىڭ سانى جىل سايىن ارتىپ, الماتى ورتالىق ازيياداعى باستى تۋريستىك حاب رەتىندە وز ورنىن نىعايتا تۇسۋدە, دەپ حابارلايدى Shalqar.kz.

Mastercard-تىڭ Tourism Insights دەرەكتەرىنە سۇيەنسەك, الماتى تۋريستىك ىزدەۋ سۇرانىستارىنىڭ 29,7%-ىن يەلەنىپ, ايماقتاعى ەڭ تانىمال باعىتتاردىڭ بىرى بولىپ وتىر. بۇل وتكەن جىلمەن سالىستىرعاندا 2%-عا جوعارى. وسىمنىڭ نەگىزگى سەبەپتەرىنىڭ بىرى – اۋە قاتىناسىنىڭ كەڭەيۋى:
 • داستۇرلى اۋە كومپانييالارىنىڭ رەيستەرى 24,7%-عا ارتتى.
 • لوۋكوستەرلەردىڭ رەيستەر سانى 44,5%-عا كوبەيدى.

سونداي-اق, قايتالاي كەلەتىن تۋريستەر سانى 78,6%-عا وستى. تۋريستەر ەندى بيلەتتەرىن ەرتەرەك, ورتا ەسەپپەن 40 كۇن بۇرىن ىزدەيدى.

الماتىنى تاڭداعان تۋريستەردىڭ ىشىندە قىتايدان كەلگەندەر سانى كۇرت ارتقان. 2024 جىلدىڭ العاشقى جارتىسىندا قىتايدان جاسالعان برونداۋلار سانى 6 ەسەگە وسىپ, 25,2 مىڭ بيلەتكە جەتتى. سونىمەن قاتار, ەڭ كوپ برونداۋ جاساعان ەلدەردىڭ كوشىن تۇركييا باستاپ تۇر. بۇل ەكى ەل اراسىنداعى ىسكەرلىك بايلانىستىڭ جوعارى ەكەندىگىن كورسەتەدى.

زەرتتەۋ كورسەتكەندەي, الماتىعا كەلەتىن ساياحاتشىلاردىڭ باسىم بولىگى بەلسەندى دەمالىستى قالايدى:
 • 54%-ى تابيعات اياسىنداعى تۋرلار مەن ەكسكۋرسييالاردى تاڭدايدى.
 • 44%-ى دجيپ-تۋرلارعا قىزىعۋشىلىق تانىتادى.

سونىمەن قاتار, الماتى گاسترونومييالىق تۋريزم, شوپينگ جانە ويىن-ساۋىق بويىنشا دا تانىمال باعىتقا اينالىپ كەلەدى. تۋريستەردىڭ 70%-ى وسى سالاعا وڭ باعاسىن بەرگەن. وتباسىلىق تۋريزمنىڭ تانىمالدىعى دا ارتىپ, وعان وڭ پىكىرلەر سانى 12%-عا كوبەيگەن.

تۋريزم تەك دەمالىس ۇشىن عانا ەمەس, ىسكەرلىك ماقساتتا دا ماڭىزدى رول اتقارۋدا. الماتىدا وتەتىن حالىقارالىق فورۋمدار مەن ىسكەرلىك كەزدەسۋلەر سانى ارتىپ, بيزنەس-ساپارلارعا جۇمسالاتىن شىعىندار ۇش ەسەگە كوبەيدى.

الmaty Tourism Bureau الماتىنىڭ ورتالىق ازيياداعى باستى تۋريستىك حابقا اينالۋ پروتسەسى قارقىندى جۇرىپ جاتقانىن اتاپ وتتى. قالانىڭ اۋەجايى ارقىلى ترانزيتپەن وتەتىن جولاۋشىلار سانى ارتىپ, الماتىنىڭ حالىقارالىق بايلانىستارداعى رولى كۇشەيە تۇسكەن. بۇل زەرتتەۋ الماتىنىڭ ارى قاراي دا تانىمال باعىت بولىپ قالا بەرەتىنىن دالەلدەيدى.