Автор: ADMIN
27 naurız – Halıqaralıq teatr küni: Sahna öneriniñ mäñgilik säulesi

Teatr – önerdiñ eñ köne äri eñ äserli türleriniñ biri. Ol ğasırlar boyı qoğamnıñ ruhani damuına ıqpal etip, adamnıñ jan-düniesin bayıtıp keledi. Teatr tek sahna men akterlerden ğana twrmaydı, ol – emociya, ömirdiñ aynası, şınayılıq pen qiyaldıñ toğısqan mekeni. Däl osı önerdi däripteu maqsatında 27 naurız – Halıqaralıq teatr küni retinde atalıp ötedi, dep habarlaydı Shalqar.kz.
Halıqaralıq teatr küni 1961 jılı Franciyada qwrılğan Teatrdıñ halıqaralıq institutınıñ (ITI) bastamasımen belgilendi. Osı künniñ tañdalu sebebi – 27 naurızda Parijde ITI-diñ alğaşqı teatr mausımı aşılğan bolatın. Sodan beri bwl mereke jıl sayın dünie jüzindegi teatr süyer qauım üşin mañızdı datağa aynaldı.
Teatr – qoğamnıñ mädeni deñgeyin körsetetin erekşe ayna. Ol adamdardı quantadı, jılatadı, oylandıradı, keyde tipti közqarasın özgertuge mäjbürleydi. Sahnadan aytılğan ärbir söz, ärbir qozğalıs körermenniñ jüregine jetip, öz ornın tabadı.
Qazaq teatr öneri de özindik tereñ tarihı men bay mwrasımen maqtana aladı. HH ğasırdıñ basında qwrılğan alğaşqı qazaq teatrı wlttıq ruhaniyattıñ örkendeuine jol aştı. Älem moyındağan Mwhtar Äuezov atındağı Qazaq memlekettik akademiyalıq drama teatrı, Ğabit Müsirepov atındağı jasöspirimder teatrı, Astana Opera sındı öner oşaqtarı büginde el mädenietiniñ damuına üles qosuda.
Qazirgi tañda tehnologiyanıñ qarıştap damuı teatr önerine de äser etude. Onlayn qoyılımdar, mul'timediyalıq sahnalıq effektiler, zamanaui rejissura – mwnıñ bäri teatrdıñ jaña mümkindikterge jol aşıp otırğanın körsetedi. Degenmen teatrdıñ eñ bastı erekşeligi – tiri emociya, sahnadağı sättiñ biregeyligi. Bwl eşbir ekran almastıra almaytın qwndılıq.
27 naurız – teatr önerin bağalaytın, onıñ mañızın tüsinetin jandardıñ merekesi. Bwl kün teatr qızmetkerleri üşin ğana emes, körermender üşin de erekşe mänge ie. Öytkeni ärbir spektakl' – körermensiz mänin joğaltatın öner tuındısı. Sondıqtan teatrğa baru – mädenietti qoldau, önerge qwrmet körsetu.
Басқалармен бөлісе отырыңыз
Пікірлер

Басты жаңалықтар

Apple Qazaqstanda densaulıqqa arnalğan smart-servisterdi iske qostı

Ğalımdar qaterli isikti anıqtaytın erekşe robot jasadı

قازاقستان عىلىمىنداعى جاڭا داۋىر: ۇلتتىق عىلىم اكادەميياسى تاراتىلدى
Последние новости

AQŞ 185 elge baj salığın engizdi: Qazaqstanğa qanday äseri bar?

اقش 185 ەلگە باج سالىعىن ەنگىزدى: قازاقستانعا قانداي اسەرى بار?

Apple Qazaqstanda densaulıqqa arnalğan smart-servisterdi iske qostı