Qazaqstan men Europa Odağı arasındağı ıntımaqtastıq jaña deñgeyge köterilude. Jaqında Qazaqstan Prezidenti Qasım-Jomart Toqaev Europa Odağınıñ Sırtqı ister jäne qauipsizdik sayasatı jönindegi Joğarğı ökili, Europalıq komissiyanıñ vice-prezidenti Kaya Kallaspen kezdesti, dep habarlaydı Shalqar.kz.

Kezdesu barısında ekijaqtı qarım-qatınastı nığaytuğa bağıttalğan birqatar mañızdı mäseleler talqılandı. Atap aytqanda, sauda-ekonomikalıq baylanıstar, energetika, cifrlandıru jäne Transkaspiy halıqaralıq kölik dälizin damıtuğa qatıstı iri infraqwrılımdıq jobalarğa basa nazar audarıldı.

Kaya Kallas Qazaqstannıñ Europa Odağımen seriktestik jäne ıntımaqtastıq jönindegi kelisimge qol qoyğan aymaqtağı alğaşqı elderdiñ biri ekenin atap ötti. Onıñ aytuınşa, Europalıq komissiya Qazaqstan azamattarı üşin vizalıq tärtipti jeñildetu boyınşa kelissözder procesin bastadı.

Prezident Toqaev bwl jañalıqtı qazaqstandıqtar jılı qabıldağanın, al vizalıq talaptardıñ jeñildetilui azamattardıñ jeke jäne iskerlik qarım-qatınastarın damıtuına zor mümkindik beretinin ayttı.

Kezdesu barısında eki tarap halıqaralıq jäne öñirlik kün tärtibindegi mañızdı mäseleler boyınşa pikir almastı. Memleket basşısı Qazaqstannıñ jahandıq twraqsızdıq jağdayında kez kelgen halıqaralıq qaqtığıstardı diplomatiyalıq jolmen şeşudi qoldaytının jetkizdi.

Sonımen qatar, “Ortalıq Aziya – Europa Odağı” formatındağı ıntımaqtastıqtıñ jay-küyi de talqılandı. Bwl bastama öñirlik integraciyanı küşeytip, ekonomikalıq baylanıstardı tereñdetuge mümkindik beredi.