Өзбекстан Президенті Шавкат Мирзиёев Қазақстанға жұмыс сапарымен келді, деп хабарлайды Shalqar.kz.

Мәртебелі мейманды Алматы әуежайында Қазақстан Президенті Қасым-Жомарт Тоқаев қарсы алды. Бүгін мемлекет басшылары бейресми кездесу өткізіп, қаладағы бірқатар маңызды нысанды аралайды.

Кездесу барысында қазақ-өзбек стратегиялық серіктестігін одан әрі дамыту, сондай-ақ өңірлік және халықаралық мәселелерді талқылау жоспарланған.

Айта кетейік, бұған дейін екі ел басшылары 2023 жылдың сәуір айында Хиуа қаласында бейресми кездесу өткізген болатын. Сол жолғы келіссөздерде Астана мен Ташкент арасындағы одақтастық байланыстарды тереңдету мәселелері қаралды.