Үкімет отырысында премьер-министр Олжас Бектенов халыққа қызмет көрсету орталықтарының (ХҚКО) болашағы туралы пікір білдірді, деп хабарлайды Shalqar.kz.

“Бүгінде мемлекеттік қызметтердің басым бөлігі онлайнға өтіп жатыр. Болашақта ЦОН-дардың (халыққа қызмет көрсету орталықтары) қажеті мүлдем болмауы мүмкін деген ойымыз бар. Алайда олар жұмыс істеп жатыр. Сондықтан олардың жұмысын жетілдіру керек”, – деді премьер-министр.

Айта кетейік, жақында жеке куәлікті алу толықтай онлайн форматқа ауысатыны белгілі болған еді. Бұл өзгерістер ЦОН-дардың қажеттілігін азайтып, мемлекеттік қызметтердің цифрлануына жол ашуы мүмкін.