Forbes журналы әлемдегі ең бай адамдардың 2025 жылғы тізімін жариялады. Биыл да тізімнің көшін әйгілі кәсіпкер Илон Маск бастады, деп хабарлайды Shalqar.kz.

342 миллиард доллар – әлемдегі ең ауқатты адамның байлығы

Tesla, SpaceX және X (бұрынғы Twitter) платформасының иесі Илон Масктың байлығы 342 миллиард доллар деп бағаланды.

ТОП-5 миллиардер
 1. Илон Маск (Tesla, SpaceX, X) – 342 млрд доллар
 2. Марк Цукерберг (Meta) – 216 млрд доллар
 3. Джефф Безос (Amazon) – 215 млрд доллар
 4. Ларри Эллисон (Oracle) – 192 млрд доллар
 5. Бернар Арно (LVMH) – 178 млрд доллар

Forbes мәліметінше, әлемдегі ең көп миллиардер АҚШ-та (902 адам). Екінші орында Қытай (516), үшінші Үндістан (205). ТОП-5 қатарына Германия (171) мен Ресей (146) енген.

Қазақстан да бұл тізімнен тыс қалған жоқ – елімізден алты азамат Forbes миллиардерлер қатарына енді.