Алматылықтар мен астаналықтар ауа сапасына назар аударғаны жөн. “Қазгидромет” мамандары бірнеше қалада қолайсыз метеорологиялық жағдай қалыптасатынын ескертті, деп хабарлайды Shalqar.kz.

Қауіпті күн – 2 сәуір

Синоптиктердің мәліметінше, 2 сәуірде Алматы, Астана, Қарағанды, Жезқазған және Теміртау қалаларында ауа ластануы мүмкін. Бұған желдің әлсіздігі, тұман және басқа да метеофакторлар әсер етеді.

Сондай-ақ, алдағы күндері Қазақстанның басым бөлігінде ауа райы тұрақсыз болады. Найзағай ойнап, жаңбыр жауады, ал солтүстік пен шығыста түнде жаңбыр қарға айналуы ықтимал. Тек орталық және оңтүстік өңірлерде күн ашық болады.

Мамандар ауа сапасын бақылауға кеңес береді және қажет болған жағдайда сыртқа шығу уақытын шектеуге шақырады.