قازاقستان قازاق تىلىندە جۇمىس ىستەيتىن جاساندى ينتەللەكت مودەلىن ازىرلەۋدە. KazLLM دەپ اتالاتىن جاڭا جۇيە ماتىندى تۇسىنۋ, وڭدەۋ جانە گەنەراتسييالاۋ مۇمكىندىگىنە يە, دەپ حابارلايدى Shalqar.kz.

تسيفرلىق دامۋ, يننوۆاتسييالار جانە اەروعارىش ونەركاسىبى مينيسترلىگىنىڭ مالىمەتىنشە, KazLLM اۋدارما جاساۋ, قۇجاتتاردى سۇرىپتاۋ جانە ديالوگتى اۆتوماتتاندىرۋ سيياقتى تۇرلى تاپسىرمالاردى ورىنداي الادى. جوبانى اقىلدى جۇيەلەر مەن جاساندى ينتەللەكت ينستيتۋتى (ISSAI) ازىرلەۋدە.

قازىر مودەلь ۇلتتىق جاساندى ينتەللەكت پلاتفورماسىندا سىناقتان وتىپ جاتىر. ماماندار ونىڭ قازاق تىلىن وڭدەۋ قابىلەتىن باسقا اشىق دەرەككوزدەرگە نەگىزدەلگەن جۇيەلەرمەن سالىستىرىپ باعالاۋدا.

ChatGPT مەن KazLLM ايىرماشىلىعى قانداي?

KazLLM قازاق تىلى مەن ۇلتتىق ەرەكشەلىكتەرگە باعىتتالعان. جۇيە قازاق تىلىنىڭ گرامماتيكاسىن, مادەنيەتىن جانە تاريحي دەرەكتەرىن ەسكەرە وتىرىپ جۇمىس ىستەيدى. بۇل ونى الەمدىك انالوگتاردان ەرەكشەلەندىرەدى.

جوسپار بويىنشا, تەستىلەۋ اياقتالعان سوڭ, KazLLM مەملەكەتتىك جانە جەكە سەرۆيستەرگە ەنگىزىلەدى.