Тараз қаласындағы Достық үйінде республикалық дүнген этномәдени бірлестігінің "Аналар алқасы" кеңесі мүшелерінің қатысуымен жиын өтті. 

Кездесуде "Кітап оқитын ұлт" марафоны аясында отбасылық кітап оқу мәдениетін қалыптастыру мәселесі көтерілді. Қатысушылардың пікірінше, бірлесіп кітап оқу балалардың әдебиетке қызығушылығын арттырып, үлкендер мен жастар арасындағы байланысты нығайтуға мүмкіндік береді.

Сондай-ақ жиында мемлекеттік тілді меңгеруді насихаттау, отбасы құндылықтары және республикалық челлендждерге қатысу мәселелері қаралды. Кеңес мүшелері алдағы жұмыс жоспарларын талқылап, этномәдени бірлестіктердің қоғамдық бастамаларға атсалысуын арттыру жөнінде ұсыныстар білдірді.