Қазақстан Президенті Қасым-Жомарт Тоқаев 28 қазанда Анкарада Түркия Президенті Режеп Тайип Ердоғанмен кездесті.

Келіссөз барысында тараптар сауда-экономикалық, инвестициялық және мәдени-гуманитарлық ынтымақтастықты нығайту мәселелерін талқылады.

Сонымен қатар өңірлік және халықаралық күн тәртібіндегі өзекті мәселелер жөнінде пікір алмасты. Режеп Тайип Ердоған екі ел арасындағы тауар айналымын 15 миллиард долларға жеткізуге және инвестициялық байланыстарды жандандыруға ниетті екенін мәлімдеді.

29 қазанда Қасым-Жомарт Тоқаев Түркі мемлекеттер ұйымының 13-саммитіне қатысады.