قازاقستاننىڭ بارلىق وڭىرىندە 70-كە جۋىق جاڭا دەنساۋلىق ساقتاۋ نىسانىن سالۋ جوسپارلانىپ وتىر. بۇل تۋرالى دەنساۋلىق ساقتاۋ مينيسترى اقمارال النازاروۆا ۇكىمەت وتىرىسىندا مالىمدەدى.

جوسپارعا 1 700 توسەك-ورىنعا ارنالعان سەگىز پەريناتالدىق ورتالىق, 1 550 توسەك-ورىندىق جەتى كوپبەيىندى بالالار اۋرۋحاناسى جانە استانادا بالالارعا ارنالعان شۇعىل كومەك پەن حيرۋرگييا ورتالىقتارى كىرەدى.

سونىمەن قاتار الماتى, اقتاۋ, اتىراۋ, قىزىلوردا جانە سەمەي قالالارىندا بالالاردى وڭالتۋ ورتالىقتارىنىڭ بەس وڭىرارالىق فيليالىن اشۋ كوزدەلگەن.

مينيستردىڭ مالىمەتىنشە, جاڭا جوبالار مەديتسينالىق كومەكتىڭ قولجەتىمدىلىگىن ارتتىرۋعا جانە ەلدىڭ دەنساۋلىق ساقتاۋ ينفراقۇرىلىمىن جاڭعىرتۋعا باعىتتالعان.