2026 جىلعى 9 قاراشا. الماتى قالاسىندا جاڭا «قالقامان» مەترو بەكەتىن 1 جەلتوقسانعا دەيىن ىسكە قوسۋ جوسپارلانىپ وتىر.

بۇل تۋرالى قالا اكىمى دارحان ساتىبالدى مالىمدەدى. ونىڭ ايتۋىنشا, بەكەتتەگى قۇرىلىس-مونتاج جۇمىستارى تولىق اياقتالعان. قازىرگى ۋاقىتتا بەكەتتى ىسكە قوسۋ الدىنداعى رەتتەۋ جانە سىناق جۇمىستارى بەكىتىلگەن كەستەگە سايكەس جۇرگىزىلىپ جاتىر. سونىمەن قاتار, بەكەت اۋماعى اباتتاندىرىلىپ, شامامەن 400 اۆتوكولىككە ارنالعان تۇراق ورىندارى جاساقتالعان.

قالا اكىمى جاڭا بەكەتتىڭ اشىلۋى الماتىنىڭ كولىك ينفراقۇرىلىمىن دامىتۋداعى ماڭىزدى قادام ەكەنىن اتاپ وتتى. الداعى ۇش جىلدا قالانىڭ باتىس باعىتىندا تاعى ۇش مەترو بەكەتىن سالۋ جوسپارلانىپ وتىر. بولاشاقتا مەترو جەلىسىن «قالقامان» بەكەتىنەن «بارلىق» بازارىنا دەيىن ۇزارتۋ كوزدەلگەن.