Qazaqstan ğılımında jaña kezeñ bastaldı. Keşe Almatıda «QR Wlttıq ğılım akademiyası» respublikalıq qoğamdıq birlestigi resmi türde taratıldı. Bwl şeşim wyımnıñ jalpı jinalısında qabıldanıp, köpşilik dauıspen bekitildi, dep habarlaydı Shalqar.kz.

Jiınğa qatısqan akademikterdiñ pikirinşe, eldegi ğılımi äleuetti tiimdi şoğırlandıru üşin eki akademiyanıñ qatar ömir sürui orınsız. Ğılımdı damıtu jäne el müddesin qorğau maqsatında barlıq resurstardı bir ortalıqqa bağıttau qajettigi aytıldı.

2003 jılı QR Prezidentiniñ jarlığımen Wlttıq ğılım akademiyası qoğamdıq wyımğa aynalğan edi. Bwl özgeris el ğılımında dağdarıstı küşeytip, köptegen talanttı ğalımdardıñ şetelge ketuine sebep boldı. Osı uaqıt aralığında akademiyanı akademik Mwrat Jwrınov basqardı. Ol wyımdı Qanış Sätbaev negizin qalağan WĞA-nıñ zañdı mwrageri dep sanadı.

2023 jılı QR Prezidentiniñ janınan jaña Wlttıq ğılım akademiyası qwrıldı. Bwdan bılay bükil ğılımi qauımdastıq osı jaña wyımnıñ ayasında birigedi.

Ayta keterligi, bwrınğı WĞA müşeleri (148 akademik) jaña akademiyağa kiru üşin arnayı talaptardan ötui tiis. Bwrınğıday tek lauazımdı twlğa bolğanı üşin akademik atanu mümkin emes. Bwl özgeris elimizdegi ğılımi ortada ädildik ornatuğa bağıttalğan mañızdı qadamdardıñ biri.