Qazaqstandıq Apple qwrılğılarınıñ paydalanuşıları endi densaulıqtı baqılauğa arnalğan birqatar jaña cifrlıq servisterge qol jetkize aladı. Bwl Densaulıq saqtau ministrligi men Apple kompaniyası arasındağı kelissözderdiñ nätijesinde mümkin boldı. Bwğan deyin bwl funkciyalar AQŞ, Kanada, Germaniya, Wlıbritaniya jäne Australiya siyaqtı elderde ğana qoljetimdi bolğan, dep habarlaydı Shalqar.kz.

Apple Watch: jürek pen wyqını baqılau
 • EKG jazu – Apple Watch Series 6 jäne odan keyingi ülgilerinde qoljetimdi. Bwl mümkindik 30 sekund işinde elektrokardiogramma jasap, jürek ırğağındağı aqaulardı, sonıñ işinde jürekşeler fibrillyaciyasın anıqtauğa kömektesedi. Derekter «Densaulıq» qosımşasında saqtalıp, därigerge körsetilui mümkin.
 • Wyqı kezindegi apnoenı anıqtau – Apple Watch Series 9 jäne keyingi nwsqaları tüngi tınıs aludıñ üziluin tirkep, apnoe belgileri turalı habarlama jiberedi. Bwl sozılmalı şarşau men basqa da densaulıq mäseleleriniñ aldın aluğa kömektesedi.

AirPods Pro: estu qabiletin qorğau
 • «Estudi tekseru» funkciyası – AirPods Pro 2 jäne odan keyingi nwsqalarında payda bolğan bwl mümkindik estu qabiletin ärtürli jiiliktegi dıbıstar arqılı tekseruge kömektesedi. Nätijeler «Densaulıq» qosımşasında saqtalıp, dinamikanı baqılauğa mümkindik beredi.
 • «Estu apparatı» rejimi – Jeñil jäne ortaşa därejedegi estu qabileti naşar adamdarğa arnalğan. Funkciya aynaladan keletin dıbıstardı küşeytip, paydalanuşınıñ qajettilikterine beyimdeydi.

Bwl mümkindikter medicinalıq diagnoz qoyu nemese em jürgizu üşin arnalmağanın eskeru qajet. Olar tek densaulıqtı baqılauğa kömektesedi jäne däriger keñesin almastıra almaydı.

Qazaqstannıñ Densaulıq saqtau ministrligi zamanaui tehnologiyalardı azamattardıñ äl-auqatın jaqsartu üşin qoljetimdi etu bağıtındağı jwmıstardı jalğastıratının habarladı.