اقش پرەزيدەنتى دونالьد ترامپ يمپورتتىق تاۋارلارعا كەدەندىك باج سالىعىن ەنگىزۋ تۋرالى شەشىم قابىلدادى. بۇل تىزىمگە 185 ەل كىرگەن, ولاردىڭ اراسىندا قازاقستان دا بار, دەپ حابارلايدى Shalqar.kz.

ترامپ Truth Social جەلىسىندە جارييالاعان كەستەدە بازالىق باج سالىعى 10% دەپ بەلگىلەنگەن. الايدا كەيبىر ەلدەر ۇشىن تاريفتەر ايتارلىقتاي جوعارى:
 • قىتاي – 34%
 • ەۋروپالىق وداق ەلدەرى – 20%
 • شۆەيتسارييا – 31%
 • قازاقستان – 27%
 • ۆьەتنام – 46%
 • لاوس – 48%

اقش ۇكىمەتىنىڭ بۇل شەشىمى رەسەي, كانادا, يران جانە بەلارۋسьكە قاتىستى قولدانىلماعان. دەگەنمەن ۋكراينادان كەلەتىن تاۋارلارعا 10% باج سالىعى ەنگىزىلدى.

بۇدان بولەك, ترامپ جەڭىل كولىكتەرگە, جۇك كولىكتەرىنە جانە اۆتوكولىك بولشەكتەرىنە 25% باج سالىعىن ەنگىزۋ تۋرالى بۇيرىققا قول قويدى. ول مۇنى «ەكونوميكالىق تاۋەلسىزدىك دەكلاراتسيياسى» دەپ اتاپ, 2 ساۋىردى «امەريكا ونەركاسىبىنىڭ جاندانعان كۇنى» دەپ اتادى.

امەريكا باسشىسى وز شەشىمىن:

«امەريكا قۇراما شتاتتارىنىڭ دوستارى مەن دۇشپاندارى ونداعان جىلدار بويى امەريكا ەكونوميكاسىن تونادى. بىراق باج سالىعىن ەنگىزۋمەن بۇل اياقتالدى!»
دەپ تۇسىندىردى. ونىڭ ايتۋىنشا, بۇل اقش ەكونوميكاسىنىڭ «التىن عاسىرىنا» جول اشادى.

ترامپتىڭ سوزىنە قاراعاندا, جاڭا تاريفتەردەن تۇسكەن قارجى سالىقتى ازايتۋ جانە ۇلتتىق قارىزدى تولەۋگە جۇمسالماق.

كۇشىنە قاشان ەنەدى?
 • 10% بازالىق باج سالىعى 5 ساۋىردەن باستاپ كۇشىنە ەنەدى.
 • بىرقاتار ەلدەر ۇشىن 9 ساۋىردەن باستاپ جاڭا تاريفتەر قولدانىلماق.

ترامپ بۇل باج سالىعىنىڭ كولەمى وزگەرۋى مۇمكىن ەكەنىن دە ەسكەرتتى.