Автор: ADMIN
قازاقستاندا سكرينينگ ارقىلى انىقتالعان ونكولوگييالىق اۋرۋلار سانى 62%-عا ارتتى,- دەپ حابارلايدى “Shalqar.kz”.
2026 جىلدىڭ العاشقى توعىز ايىندا قازاقستاندا ونكولوگييالىق سكرينينگ ناتيجەسىندە 3 016 قاتەرلى ىسىك جاعدايى انىقتالدى. بۇل وتكەن جىلدىڭ سايكەس كەزەڭىمەن سالىستىرعاندا 62%-عا كوپ.
بۇل تۋرالى دەنساۋلىق ساقتاۋ مينيسترلىگى حابارلادى. مينيسترلىك مالىمەتىنشە, ەڭ جوعارى وسىم كولورەكتالدىق وبىردى انىقتاۋ كورسەتكىشى بويىنشا تىركەلگەن. اتاپ ايتقاندا, توق ىشەك قاتەرلى ىسىگىنىڭ 590 جاعدايى انىقتالىپ, وتكەن جىلعى 330 جاعدايمەن سالىستىرعاندا 78,8%-عا ارتقان. سۇت بەزى وبىرىنىڭ 2 049 جاعدايى تىركەلدى. بىلتىر وسى كەزەڭدە 1 293 جاعداي انىقتالعان. وسىم 58,5%-دى قۇرادى. ال جاتىر موينى وبىرى بويىنشا 377 جاعداي انىقتالىپ, كورسەتكىش 57,7%-عا وسكەن. سونىمەن قاتار ەسەپتى كەزەڭدە 5 295 وبىر الدى جاعدايى انىقتالدى. بۇل 2025 جىلدىڭ سايكەس كەزەڭىندەگى 3 373 جاعدايدان 57%-عا جوعارى. دەگەنمەن اۋرۋدى ەرتە كەزەڭدە انىقتاۋ كورسەتكىشى دە جاقسارعان. بىرىنشى ساتىدا انىقتالعان ونكولوگييالىق اۋرۋلاردىڭ ۇلەسى 70,3%-دان 71,6%-عا دەيىن وستى. جىل باسىنان بەرى ەلىمىزدە 3,23 ميلليوننان استام ادام ونكولوگييالىق سكرينينگتەن وتتى. بۇل تەكسەرۋدەن وتۋى تيىس حالىقتىڭ 57,1%-ىن قۇرايدى. قازىرگى ۋاقىتتا قازاقستاننىڭ 20 وڭىرىندە ورتالىقتاندىرىلعان سكرينينگ جۇيەسى جۇمىس ىستەيدى. ال قاتەرلى ىسىككە كۇدىك تۋىنداعان پاتسيەنتتەر ۇشىن قوسىمشا تەكسەرۋلەردەن جەدەل وتۋگە مۇمكىندىك بەرەتىن «جاسىل دالىز» قاراستىرىلعان.
ماماندار پروفيلاكتيكالىق تەكسەرۋدەن ۋاقىتىلى وتۋدىڭ ماڭىزىن اتاپ وتەدى. سەبەبى ونكولوگييالىق اۋرۋلاردى ەرتە انىقتاۋ ەمدەۋدى دەر كەزىندە باستاۋعا مۇمكىندىك بەرەدى.
Басқалармен бөлісе отырыңыз
Пікірлер
Басты жаңалықтар
Qazaqstannıñ H'yustondağı Bas konsuldığı jwmısın bastadı,- dep habarlaydı “Shalqar.kz”.
قازاقستاننىڭ حьيۋستونداعى باس كونسۋلدىعى جۇمىسىن باستادى,- دەپ حابارلايدى “Shalqar.kz”.
Последние новости
Qazaqstannıñ H'yustondağı Bas konsuldığı jwmısın bastadı,- dep habarlaydı “Shalqar.kz”.
قازاقستاننىڭ حьيۋستونداعى باس كونسۋلدىعى جۇمىسىن باستادى,- دەپ حابارلايدى “Shalqar.kz”.
Kazakhstan’s Consulate General in Houston Begins Operations,- reports “Shalqar.kz”.