Жаңалықтар

Автор: ADMIN

Жаңалықтар 2026-11-20 19:06:00

Біз әлеуметтік желілерде:

Димаш Құдайберген WBC ұйымының құрметті белбеуін иеленді,- деп хабарлайды “Shalqar.kz”.

news single

Қазақстандық әнші Димаш Құдайберген Мексиканың астанасы Мехикода Дүниежүзілік бокс кеңесінің (WBC) құрметті белбеуімен марапатталды.

Салтанатты рәсім 19 қарашада Palacio de los Deportes аренасында өтті. DimashNews ақпараттық порталының хабарлауынша, марапат әншінің халықаралық деңгейдегі жетістіктері мен музыка арқылы халықтар арасындағы мәдени байланысты нығайтуға қосқан үлесі үшін табысталған. Белбеуді Димашқа WBC ұйымының Қазақстандағы өкілі Әлихан Жарылғапов, ұйым елшісі Эктор Сулейман кіші, маркетинг және коммуникациялар бөлімінің басшысы Хосе Антонио Арреола Сулейман мен директордың орынбасары Виктор Сильва тапсырды.

Марапаттау бастамасын WBC президенті Маурисио Сулейман көтерген. Алайда ол денсаулығына байланысты рәсімге қатыса алмады. Ұйым өкілдерінің айтуынша, мұндай белбеу өте сирек табысталады.

Олар Димашты әлемге танылған ерекше өнер иесі әрі музыка арқылы адамдарды біріктіретін тұлға ретінде бағалаған. Айта кетейік, WBC-дің әйгілі жасыл белбеуін бұған дейін Мұхаммед Әли, Майк Тайсон, Флойд Мейвезер және қазақстандық Геннадий Головкин секілді боксшылар иеленген.

Димашқа берілген белбеу чемпиондық атақ емес, өнер мен қоғамдық қызметтегі жетістіктері үшін берілген құрметті марапат болып саналады.

Басқалармен бөлісе отырыңыз
Пікірлер

Все новости


Международное интернет-издание "Shalqar kz"
Подписка на важную информацию международного интернет-издания "Shalqar kz" Будьте в курсе последних новостей Ваша электронная почта подписаться