Автор: ADMIN
ديماش قۇدايبەرگەن WBC ۇيىمىنىڭ قۇرمەتتى بەلبەۋىن يەلەندى,- دەپ حابارلايدى “Shalqar.kz”.
قازاقستاندىق انشى ديماش قۇدايبەرگەن مەكسيكانىڭ استاناسى مەحيكودا دۇنيەجۇزىلىك بوكس كەڭەسىنىڭ (WBC) قۇرمەتتى بەلبەۋىمەن ماراپاتتالدى.
سالتاناتتى راسىم 19 قاراشادا Palacio de los Deportes ارەناسىندا وتتى. DimashNews اقپاراتتىق پورتالىنىڭ حابارلاۋىنشا, ماراپات انشىنىڭ حالىقارالىق دەڭگەيدەگى جەتىستىكتەرى مەن مۋزىكا ارقىلى حالىقتار اراسىنداعى مادەني بايلانىستى نىعايتۋعا قوسقان ۇلەسى ۇشىن تابىستالعان. بەلبەۋدى ديماشقا WBC ۇيىمىنىڭ قازاقستانداعى وكىلى اليحان جارىلعاپوۆ, ۇيىم ەلشىسى ەكتور سۋلەيمان كىشى, ماركەتينگ جانە كوممۋنيكاتسييالار بولىمىنىڭ باسشىسى حوسە انتونيو اررەولا سۋلەيمان مەن ديرەكتوردىڭ ورىنباسارى ۆيكتور سيلьۆا تاپسىردى.
ماراپاتتاۋ باستاماسىن WBC پرەزيدەنتى ماۋريسيو سۋلەيمان كوتەرگەن. الايدا ول دەنساۋلىعىنا بايلانىستى راسىمگە قاتىسا المادى. ۇيىم وكىلدەرىنىڭ ايتۋىنشا, مۇنداي بەلبەۋ وتە سيرەك تابىستالادى.
ولار ديماشتى الەمگە تانىلعان ەرەكشە ونەر يەسى ارى مۋزىكا ارقىلى ادامداردى بىرىكتىرەتىن تۇلعا رەتىندە باعالاعان. ايتا كەتەيىك, WBC-دىڭ ايگىلى جاسىل بەلبەۋىن بۇعان دەيىن مۇحاممەد الي, مايك تايسون, فلويد مەيۆەزەر جانە قازاقستاندىق گەنناديي گولوۆكين سەكىلدى بوكسشىلار يەلەنگەن.
ديماشقا بەرىلگەن بەلبەۋ چەمپيوندىق اتاق ەمەس, ونەر مەن قوعامدىق قىزمەتتەگى جەتىستىكتەرى ۇشىن بەرىلگەن قۇرمەتتى ماراپات بولىپ سانالادى.
Басқалармен бөлісе отырыңыз
Пікірлер
Басты жаңалықтар
Dimaş Qwdaybergen WBC wyımınıñ qwrmetti belbeuin ielendi,- dep habarlaydı “Shalqar.kz”.
Dimash Qudaibergen Receives Honorary WBC Belt,- reports “Shalqar.kz”.