ەندى كولىك قوزعالىسى كەزىندە تەرەزەدەن باسىن نەمەسە دەنەسىن شىعارىپ, “ەكستريم” جاساعاندار ۇشىن ايىپپۇل قاراستىرىلعان. بۇل تۋرالى ىىم اكىمشىلىك پوليتسييا كوميتەتىنىڭ توراعاسى قايسار سۇلتانباەۆ وكق-دا وتكەن بريفينگتە مالىمدەدى, دەپ حابارلايدى Shalqar.kz.

مۇنداي ەرەجە كولىك سالونىندا جولاۋشىلاردىڭ ومىرى مەن قاۋىپسىزدىگىن قورعاۋ ماقساتىندا ەنگىزىلىپ وتىر. اسىرەسە مەكتەپ بىتىرۋ, ۇيلەنۋ تويى سەكىلدى قۋانىشتى ساتتەردە ازاماتتاردىڭ وز قاۋىپسىزدىگىن ەلەمەي, كولىكتەن جارتىلاي شىعىپ سۋرەتكە تۇسۋى, ۆيدەوعا تۇسۋى جيى كەزدەسەتىن جاعداي. ەندى مۇنداي “ەكشن” ۇشىن زاڭ جۇزىندە جاۋاپكەرشىلىك قاراستىرىلعان.

جاڭا تالاپ بويىنشا:
كولىك قوزعالىسى كەزىندە تەرەزەدەن باسىن شىعارعان جولاۋشى مەن بۇل جاعدايعا جول بەرگەن جۇرگىزۋشىگە 10 اەك (39 320 تەڭگە) كولەمىندە ايىپپۇل سالىنادى. جاۋاپكەرشىلىك ەكى تاراپقا دا تەڭدەي جۇكتەلەدى.

قايسار سۇلتانباەۆتىڭ ايتۋىنشا, بۇل وزگەرىس اكىمشىلىك كودەكسكە ەنگىزىلگەن تۇزەتۋلەر اياسىندا زاڭداستىرىلىپ, قاۋىپسىزدىك مادەنيەتىن ارتتىرۋعا باعىتتالعان.