قازاق بوكسشىسى دانييال ساپارباي حالىقارالىق ارەنادا ەل نامىسىن ابىرويمەن قورعاپ, World Boxing ۇيىمى ۇيىمداستىرعان الەم كۋبوگىنىڭ العاشقى كەزەڭىندە قولا جۇلدەگە يە بولدى, دەپ حابارلايدى Shalqar.kz قازاقستان بوكس فەدەراتسيياسىنا سىلتەمە جاساپ.

+90 كەلى سالماقتا جۇدىرىقتاسقان ساپارباي جارتىلاي فينالدا وزبەكستاندىق مىقتى جاحونگير زوكيروۆپەن كەزدەسىپ, 0:5 ەسەبىمەن ۇتىلدى. دەگەنمەن, تۋرنير قورىتىندىسى بويىنشا ۇشىنشى ورىنعا يە بولىپ, قازاقستان قورجىنىنا قولا مەدالь سالدى.

بۇگىن, 4 ساۋىر كۇنى, رينگكە تاعى بەس وتانداسىمىز شىعادى. ولار: نۇرسۇلتان التىنبەك, دياس مولجىگىتوۆ, داۋلەت تولەمىسوۆ, جازيرا وراقباەۆا جانە ۇلجان سارسەنبەك.

ايتا كەتەيىك, تۋرنيردىڭ العاشقى كەزەڭى برازيلييانىڭ فوس-دۋ-يگۋاسۋ قالاسىندا وتۋدە. ال ەكىنشى كەزەڭ 30 ماۋسىم مەن 7 شىلدە ارالىعىندا قازاقستاندا ۇيىمداستىرىلادى.

World Boxing تۋرنيرى – ەرلەر مەن ايەلدەر اراسىنداعى ۇزدىك بوكسشىلار رەيتينگتىك ۇپاي ۇشىن كۇش سىناساتىن اۋقىمدى سەرييا. جىل سوڭىندا, قاراشا ايىندا فينالدىق كەزەڭ وتەدى. بۇل – الەمنىڭ ۇزدىك بىلعارى قولعاپ شەبەرلەرى ۇشىن باستى باسەكە بولماق.