بۇگىن – قازاق بوكسىنىڭ جارىق جۇلدىزى, وليمپيادا چەمپيونى بەكزات ساتتارحانوۆتىڭ دۇنيەگە كەلگەن كۇنى. ەگەر اڭىز سپورتشى تىرى بولعاندا, 45 جاسقا تولار ەدى, دەپ حابارلايدى Shalqar.kz.

بەكزات ساتتارحانوۆ – قازاقتىڭ ماقتانىشى. ول نەبارى 20 جاسىندا سيدنەي وليمپياداسىندا قارسىلاستارىنىڭ بارلىعىن جەڭىپ, ەلىمىزدىڭ تاريحىنداعى ەڭ جاس وليمپيادا چەمپيونى اتاندى. سپورتتىق مانسابىندا 143 جەكپە-جەك وتكىزىپ, ونىڭ 132-سىندە جەڭىسكە جەتكەن.

الايدا جارق ەتىپ جانعان جۇلدىزدىڭ عۇمىرى قىسقا بولدى. 2000 جىلدىڭ 31 جەلتوقسانىندا اۋىر جول اپاتىنان قازا تاپتى. بىراق ول حالىق جادىنان وشكەن جوق. ونىڭ ەسىمى سپورت تاريحىندا التىن ارىپپەن جازىلدى. مەملەكەت ونى I دارەجەلى «بارىس» وردەنىمەن ماراپاتتادى.

بەكزاتتىڭ جىگەرى, ەڭبەگى, اسقاق ارماندارى تالاي جاستارعا شابىت بەرىپ, قازاق بوكسىنىڭ دامۋىنا سەرپىن بەردى.