Bügin – qazaq boksınıñ jarıq jwldızı, Olimpiada çempionı Bekzat Sattarhanovtıñ düniege kelgen küni. Eger añız sportşı tiri bolğanda, 45 jasqa tolar edi, dep habarlaydı Shalqar.kz.

Bekzat Sattarhanov – qazaqtıñ maqtanışı. Ol nebäri 20 jasında Sidney Olimpiadasında qarsılastarınıñ barlığın jeñip, elimizdiñ tarihındağı eñ jas Olimpiada çempionı atandı. Sporttıq mansabında 143 jekpe-jek ötkizip, onıñ 132-sinde jeñiske jetken.

Alayda jarq etip janğan jwldızdıñ ğwmırı qısqa boldı. 2000 jıldıñ 31 jeltoqsanında auır jol apatınan qaza taptı. Biraq ol halıq jadınan öşken joq. Onıñ esimi sport tarihında altın ärippen jazıldı. Memleket onı I därejeli «Barıs» ordenimen marapattadı.

Bekzattıñ jigeri, eñbegi, asqaq armandarı talay jastarğa şabıt berip, qazaq boksınıñ damuına serpin berdi.