دونالьد ترامپتىڭ الەمدىك ساۋداعا ەنگىزگەن جاڭا باج سالىعى تۋرالى شەشىمى بۇكىل الەمدىك قور نارىقتارىن تەرەڭ قۇلدىراتتى. ونىڭ سالدارىنان الەمنىڭ ەڭ باي 500 ادامىنىڭ بايلىعى 208 ميلليارد دوللارمەن ازايىپ, كوپتەگەن ميللياردەرلەر ۇشىن قىمباتقا تۇستى, دەپ حابارلايدى Shalqar.kz.

Bloomberg اگەنتتىگىنىڭ مالىمەتىنشە, بۇل وقيعا سوڭعى 13 جىلداعى تورتىنشى ىرى قۇلدىراۋ بولىپ تابىلادى. ال پاندەمييادان كەيىنگى ەڭ ىرى ەكونوميكالىق شىعىن بولدى.

نەگىزىنەن امەريكالىق ميللياردەرلەر كوپ زارداپ شەكتى:
 • مارك تسۋكەربەرگ – Meta* كومپانيياسىنىڭ اكتسييالارى 9%-عا ارزانداپ, ونىڭ بايلىعىن 17,9 ميلليارد دوللارعا قىسقارتتى.
 • دجەفف بەزوس – Amazon اكتسييالارىنىڭ 9%-عا تومەندەۋى ونىڭ كاپيتالىنىڭ 15,9 ميلليارد دوللاردان ايىرۋىنا سەبەپ بولدى.
 • يلون ماسك – Tesla اكتسييالارىنىڭ 5,5%-عا ارزانداۋى ونىڭ بايلىعىن 11 ميلليارد دوللارعا ازايتتى.

وسى ۋاقىتتا كارلوس سليم, مەكسيكانىڭ ەڭ باي ادامى, جاڭا باج سالىعىنىڭ اسەرىنەن ەڭ ازى زارداپ شەكتى. لاتىن امەريكاسى كومپانييالارى ۇشىن تاريفتەر تومەن بولعاندىقتان, ونىڭ اكتيۆتەرى از عانا قىسقاردى.

ايتا كەتەيىك, دونالьد ترامپ 2 ساۋىردە 185 ەل مەن ايماقتان كەلەتىن ونىمدەرگە جاڭا باج سالىعىن ەنگىزۋ تۋرالى مالىمدەدى. ول بارلىق يمپورتتىق تاۋارلارعا ەڭ تومەنگى 10% ستاۆكاسىن بەلگىلەۋدى جانە اربىر ەلگە جەكە تاريفتەر ەنگىزۋدى ۇسىندى. بۇل مالىمدەمە اقش قور نارىقتارىنىڭ كۇرت قۇلدىراۋىنا, سونداي-اق الەمدەگى باسقا نارىقتاردا دا تەرەڭ وزگەرىستەرگە اكەلدى.