Кешегі түн қазақстандық бокс жанкүйерлері үшін ұмытылмас сәтке айналды. «Барыс Аренада» өткен үлкен жекпе-жек кешінде еліміздің мақтанышы Жәнібек Әлімханұлы кезекті мәрте өз мықтылығын дәлелдеді. Ол орта салмақта IBF және WBO тұжырымдары бойынша әлем чемпионы атағын табысты қорғап, француз боксшысы Анауэль Нгамиссингені нокаутпен жеңді, деп хабарлайды Shalqar.kz.

Бұл жеңіс тек спорттық жетістік қана емес, ұлттық рух пен намыстың көрінісі болды. Ел президенті Қасым-Жомарт Тоқаев та чемпионды арнайы құттықтап, оның шеберлігі мен табандылығын ерекше атап өтті. Президент Жәнібектің жеңісі күллі қазақ халқы үшін зор мақтаныш екенін айтып, болашақта бұдан да биік белестерді бағындыруына тілектестік білдірді.

Бүгінде Әлімханұлының кәсіби рекорды — 17 жеңіс, оның 12-сі нокаутпен. Бұл тек бастамасы ғана болуы мүмкін. Қазақстандық бокс тарихында алтын әріптермен жазылатын есімдердің бірі болуға лайық тұлға – Жәнібек Әлімханұлы.