5 ساۋىر كۇنى اقش-تىڭ ار تۇكپىرىندە بۇرىنعى پرەزيدەنت دونالьد ترامپ پەن ميللياردەر يلون ماسكقا قارسى مىڭداعان ادام جاپپاي كوشەگە شىقتى. بۇل نارازىلىق – ەل تاريحىنداعى ەڭ اۋقىمدى قوعامدىق تولقۋلاردىڭ بىرى رەتىندە باعالانۋدا, دەپ حابارلايدى Shalqar.kz.

Deutsche Welle اقپاراتىنا سۇيەنسەك, بىر كۇن ىشىندە ەل بويىنشا 1200-دەن استام ميتينگ وتكەن. شارالاردى 150-گە جۋىق قوعامدىق ۇيىم – ازاماتتىق قۇقىق قورعاۋشىلارى, كاسىپوداقتار, از ۇلتتاردىڭ قۇقىعىن قورعاۋشىلار, ارداگەرلەر جانە ساياسي بەلسەندىلەر ۇيىمداستىرعان.

نارازىلىق شەرۋلەرى ۆاشينگتوننان باستاپ ەلدىڭ بارلىق 50 شتاتىنا دەيىن تارادى. ۇلتتىق اللەيادا ورنالاسقان ۆاشينگتون مونۋمەنتىنىڭ ماڭىندا 20 مىڭنان استام ادام جينالعان. ال اق ۇي ماڭىنداعى الاڭدا “قولىڭدى تارت!” دەگەن الىپ باننەر كوزگە تۇستى.

كەيبىر شەرۋشىلەر:
 • “بۇل مەنىڭ پرەزيدەنتىم ەمەس!”
 • “فاشيزم كەلدى”
 • “الەۋمەتتىك جۇيەمىزدى قورعايىق!”
دەگەن پلاكاتتارمەن شىقتى.

نارازى توپ ترامپ اكىمشىلىگىنىڭ كەلەسى قادامدارىن سىنعا الدى:
 • مىڭداعان مەملەكەتتىك قىزمەتكەرلەردى جۇمىستان بوساتۋ,
 • يمميگراتسييالىق ساياساتتى قاتايتۋ,
 • ترانسگەندەر ادامداردىڭ قۇقىقتارىن شەكتەۋ,
 • الەۋمەتتىك مەديتسينالىق باعدارلامالارعا بولىنەتىن قارجىنى قىسقارتۋ.

بالتيمور ماڭىنداعى الەۋمەتتىك قامسىزداندىرۋ قىزمەتىنىڭ عيماراتى الدىندا دا جۇزدەگەن ادام زەينەتاقى مەن جاردەماقىعا قىسىم جاسالماۋىن تالاپ ەتتى.

شەرۋلەر تەك اقش-تا ەمەس, ەۋروپانىڭ ريم, پاريج, لوندون قالالارىندا دا وتتى. سونداي-اق, مەكسيكا مەن كانادادا دا ۇقساس اكتسييالار ۇيىمداستىرىلۋدا.

ايتا كەتەيىك, وسىعان دەيىن سەناتور كوري بۋكەر سەناتتا 25 ساعات 5 مينۋت توقتاۋسىز سوز سويلەپ, ترامپتىڭ ساياساتىنا قارسى تاريحي ۇندەۋ جاساعان بولاتىن.