5 säuir küni AQŞ-tıñ är tükpirinde bwrınğı prezident Donal'd Tramp pen milliarder Ilon Maskqa qarsı mıñdağan adam jappay köşege şıqtı. Bwl narazılıq – el tarihındağı eñ auqımdı qoğamdıq tolqulardıñ biri retinde bağalanuda, dep habarlaydı Shalqar.kz.

Deutsche Welle aqparatına süyensek, bir kün işinde el boyınşa 1200-den astam miting ötken. Şaralardı 150-ge juıq qoğamdıq wyım – azamattıq qwqıq qorğauşıları, käsipodaqtar, az wlttardıñ qwqığın qorğauşılar, ardagerler jäne sayasi belsendiler wyımdastırğan.

Narazılıq şeruleri Vaşingtonnan bastap eldiñ barlıq 50 ştatına deyin taradı. Wlttıq alleyada ornalasqan Vaşington monumentiniñ mañında 20 mıñnan astam adam jinalğan. Al Aq üy mañındağı alañda “Qolıñdı tart!” degen alıp banner közge tüsti.

Keybir şeruşiler:
 • “Bwl meniñ prezidentim emes!”
 • “Faşizm keldi”
 • “Äleumettik jüyemizdi qorğayıq!”
degen plakattarmen şıqtı.

Narazı top Tramp äkimşiliginiñ kelesi qadamdarın sınğa aldı:
 • mıñdağan memlekettik qızmetkerlerdi jwmıstan bosatu,
 • immigraciyalıq sayasattı qataytu,
 • transgender adamdardıñ qwqıqtarın şekteu,
 • äleumettik medicinalıq bağdarlamalarğa bölinetin qarjını qısqartu.

Baltimor mañındağı äleumettik qamsızdandıru qızmetiniñ ğimaratı aldında da jüzdegen adam zeynetaqı men järdemaqığa qısım jasalmauın talap etti.

Şeruler tek AQŞ-ta emes, Europanıñ Rim, Parij, London qalalarında da ötti. Sonday-aq, Meksika men Kanadada da wqsas akciyalar wyımdastırıluda.

Ayta keteyik, osığan deyin senator Kori Buker Senatta 25 sağat 5 minut toqtausız söz söylep, Tramptıñ sayasatına qarsı tarihi ündeu jasağan bolatın.