الەمنىڭ ەكى الپاۋىتى – اقش پەن قىتاي اراسىنداعى ساۋدا سوعىسى جالعاسىپ جاتقاندا, قازاقستان ۇشىن جاڭا ەكونوميكالىق مۇمكىندىكتەر تۋىنداۋدا. ەكونوميست باۋىرجان ىسقاقتىڭ ايتۋىنشا, گەوساياسي تەكەتىرەستىڭ “جاناما پايداسىن” بىزدىڭ ەل تيىمدى پايدالانا الادى, دەپ حابارلايدى Shalqar.kz.

اقش-قا قارسى ەنگىزىلگەن سالىقتاردان كەيىن قىتاي امەريكالىق اۋىل شارۋاشىلىعى ونىمدەرىنەن ىشىنارا باس تارتىپ جاتىر. بۇل — قازاقستان ۇشىن ۇلكەن مۇمكىندىك. 2024 جىلى قىتايعا ەكسپورتتالعان قازاقستاندىق بيداي كولەمى 50%-عا ارتتى. سونىمەن قاتار, سويا بۇرشاقتارىنا دا سۇرانىس وسىپ وتىر.

قىتاي مەن قازاقستان اراسىنداعى ساۋدا اينالىمى رەكورد جاڭارتۋدا: 2023 جىلى 41 ملرد دوللارعا جەتسە, 2024 جىلدىڭ توعىز ايىندا 33 ملرد دوللار بولعان. بۇل — ەكى ەل اراسىنداعى كولىك-لوگيستيكالىق بايلانىستىڭ نىعايعانىن كورسەتەدى.

«بىر بەلدەۋ, بىر جول» باستاماسى اياسىندا قازاقستان ينفراقۇرىلىمعا قىتايدان ينۆەستيتسييا تارتىپ جاتىر. جاڭا جولدار, تەمىرجول دالىزدەرى جانە لوگيستيكالىق حابتار – مۇنىڭ بارى قازاقستاندى ورتالىق ازييانىڭ باستى ترانزيتتىك حابىنا اينالدىرا الادى.

باۋىرجان ىسقاقتىڭ ايتۋىنشا, قازىرگى جاعدايدا قازاقستان وز پوزيتسيياسىن كۇشەيتىپ قانا قويماي, ەكونوميكانى ارتاراپتاندىرۋعا دا ناقتى قادام جاساپ جاتىر. الەمدىك ويىنشىلاردىڭ اراسىنداعى كۇرەس بىزگە جاڭا مۇمكىندىكتەر ەسىگىن اشۋى مۇمكىن.