Älemniñ eki alpauıtı – AQŞ pen Qıtay arasındağı sauda soğısı jalğasıp jatqanda, Qazaqstan üşin jaña ekonomikalıq mümkindikter tuındauda. Ekonomist Bauırjan Isqaqtıñ aytuınşa, geosayasi teketirestiñ “janama paydasın” bizdiñ el tiimdi paydalana aladı, dep habarlaydı Shalqar.kz.

AQŞ-qa qarsı engizilgen salıqtardan keyin Qıtay amerikalıq auıl şaruaşılığı önimderinen işinara bas tartıp jatır. Bwl — Qazaqstan üşin ülken mümkindik. 2024 jılı Qıtayğa eksporttalğan qazaqstandıq biday kölemi 50%-ğa arttı. Sonımen qatar, soya bwrşaqtarına da swranıs ösip otır.

Qıtay men Qazaqstan arasındağı sauda aynalımı rekord jañartuda: 2023 jılı 41 mlrd dollarğa jetse, 2024 jıldıñ toğız ayında 33 mlrd dollar bolğan. Bwl — eki el arasındağı kölik-logistikalıq baylanıstıñ nığayğanın körsetedi.

«Bir beldeu, bir jol» bastaması ayasında Qazaqstan infraqwrılımğa Qıtaydan investiciya tartıp jatır. Jaña joldar, temirjol dälizderi jäne logistikalıq habtar – mwnıñ bäri Qazaqstandı Ortalıq Aziyanıñ bastı tranzittik habına aynaldıra aladı.

Bauırjan Isqaqtıñ aytuınşa, qazirgi jağdayda Qazaqstan öz poziciyasın küşeytip qana qoymay, ekonomikanı ärtaraptandıruğa da naqtı qadam jasap jatır. Älemdik oyınşılardıñ arasındağı küres bizge jaña mümkindikter esigin aşuı mümkin.