تاياۋ شىعىستا جاعداي قايتا شيەلەنىسە تۇستى. يران بيلىگى اسكەرىن جوعارى جاۋىنگەرلىك دايىندىق رەجيمىنە كوشىردى. سەبەپ – اقش تاراپىنىڭ يرانعا قارسى سوققى جاساۋى مۇمكىن دەگەن مالىمدەمەسى, دەپ حابارلايدى Shalqar.kz.

يران جوعارعى كوشباسشىسى الي حامەنەي اقش پرەزيدەنتى دونالьد ترامپتىڭ «كەلىسىم بولماسا – سوققى جاسايمىز» دەگەن سوزىنەن كەيىن قارۋلى كۇشتەرگە “دايىن بولىڭدار” دەگەن بۇيرىق بەردى.

تەگەران يراك, كۋۆەيت, باا, كاتار, تۇركييا جانە باحرەين ەلدەرىنە ارنايى ەسكەرتۋ جولداپ, ەگەر بۇل مەملەكەتتەر وز اۋە كەڭىستىگى مەن اۋماعىن اقش-قا پايدالانۋعا بەرسە, بۇل ارەكەت «دۇشپاندىق» دەپ ەسەپتەلەتىنىن مالىمدەدى. يران بۇعان جاۋاپسىز قالمايتىنىن اشىق ايتتى.

30 ناۋرىزدا دونالьد ترامپ NBC News ارناسىنا بەرگەن سۇحباتىندا يرانمەن يادرولىق كەلىسىم جاسالماسا, اسكەري ارەكەتتەر باستالۋى مۇمكىن ەكەنىن جەتكىزدى.

«ەگەر كەلىسىمگە كەلمەسە, بومبالاۋ باستالادى. بۇنداي سوققىنى ولار بۇرىن-سوڭدى كورگەن جوق», – دەدى اقش پرەزيدەنتى.

يران مەن اقش اراسىنداعى شيەلەنىس الەمدىك ساياساتتىڭ باستى نازارىندا. بۇل تەك ەكى ەل اراسىنداعى تەكەتىرەس ەمەس, بۇكىل ايماقتىڭ تاعدىرىنا اسەر ەتۋى مۇمكىن.