قازاقستان كوركەم گيمناستيكاسى جاڭا بەتبۇرىستى كەزەڭگە قادام باستى. ۇلتتىق قۇرامانىڭ باس باپكەرى قىزمەتىنە تانىمال جاتتىقتىرۋشى, حالىقارالىق دارەجەدەگى سپورت شەبەرى لولا ادىلبەكوۆا تاعايىندالدى. بۇل تاعايىنداۋ – سپورتتىق قاۋىمداستىقتىڭ ەرەكشە نازارىن اۋدارتقان ماڭىزدى وقيعا, دەپ حابارلايدى Shalqar.kz.

لولا يسلامقۇلقىزى – تاجىريبەلى مامان. ول 2002 جىلعى ازييا ويىندارىندا قازاقستان قۇراماسىنىڭ قۇرامىندا كۇمىس جۇلدەگە يە بولعان. باپكەرلىك جولىن 2010 جىلى شىمكەنتتە باستاعان. سودان بەرى بىرنەشە تالانتتى گيمناستى تاربيەلەپ, حالىقارالىق ارەنالاردا ەل نامىسىن قورعاۋعا دايىندادى.

ونىڭ شاكىرتتەرى قاتارىندا – ازييا چەمپيونى دايانا ابدىربەكوۆا, جاسوسپىرىمدەر اراسىنداعى وليمپيادا قاتىسۋشىسى روزا ابيتوۆا, الەم چەمپيوناتىنىڭ فيناليسى ەلьجانا تانيەۆا جانە ميلانا پارفيلوۆا بار. سوڭعىسى 2023 جىلعى ازييا ويىندارىندا كوماندالىق كۇمىسكە, ال جەكەلەي كوپسايىستا قولاعا يە بولدى.

ايتا كەتەيىك, بۇعان دەيىنگى باس باپكەر الييا يۋسۋپوۆا قازاقستان گيمناستيكا فەدەراتسيياسىنىڭ پرەزيدەنتى رەتىندە جۇمىسىن جالعاستىرادى. ال جاڭا باس باپكەر لولا ادىلبەكوۆا ەل سپورتىنىڭ دامۋىنا تىڭ سەرپىن بەرمەك.