Qazaqstan körkem gimnastikası jaña betbwrıstı kezeñge qadam bastı. Wlttıq qwramanıñ bas bapkeri qızmetine tanımal jattıqtıruşı, halıqaralıq därejedegi sport şeberi Lola Ädilbekova tağayındaldı. Bwl tağayındau – sporttıq qauımdastıqtıñ erekşe nazarın audartqan mañızdı oqiğa, dep habarlaydı Shalqar.kz.

Lola Islamqwlqızı – täjiribeli maman. Ol 2002 jılğı Aziya oyındarında Qazaqstan qwramasınıñ qwramında kümis jüldege ie bolğan. Bapkerlik jolın 2010 jılı Şımkentte bastağan. Sodan beri birneşe talanttı gimnastı tärbielep, halıqaralıq arenalarda el namısın qorğauğa dayındadı.

Onıñ şäkirtteri qatarında – Aziya çempionı Dayana Äbdirbekova, jasöspirimder arasındağı Olimpiada qatısuşısı Roza Äbitova, älem çempionatınıñ finalisi El'jana Tanieva jäne Milana Parfilova bar. Soñğısı 2023 jılğı Aziya oyındarında komandalıq kümiske, al jekeley köpsayısta qolağa ie boldı.

Ayta keteyik, bwğan deyingi bas bapker Äliya YUsupova Qazaqstan gimnastika federaciyasınıñ prezidenti retinde jwmısın jalğastıradı. Al jaña bas bapker Lola Ädilbekova el sportınıñ damuına tıñ serpin bermek.