الەمدىك نارىقتاعى تۇراقسىزدىق پەن تاريفتىك قاقتىعىستار قازاقستان ەكونوميكاسىنا اسەر ەتە باستادى. وسىعان بايلانىستى مەملەكەت باسشىسى قاسىم-جومارت توقاەۆ ۇكىمەت مۇشەلەرىمەن شۇعىل جيىن وتكىزىپ, قالىپتاسقان احۋالدى سارالادى, دەپ حابارلايدى Shalqar.kz اقورداعا سىلتەمە جاساپ.

جيىنعا پرەمьەر-مينيستر ولجاس بەكتەنوۆ, ۇلتتىق بانك توراعاسى تيمۋر سۇلەيمەنوۆ جانە باسقا دا جاۋاپتى تۇلعالار قاتىستى. كەزدەسۋ بارىسىندا ەنەرگييا رەسۋرستارى مەن نەگىزگى تاۋارلار باعاسىنىڭ قۇلدىراۋى, سىرتقى نارىقتاعى بەلگىسىزدىك جانە ونىڭ ەل ىشىندەگى سالدارى تالقىلاندى.

پرەزيدەنت ۇكىمەت پەن اكىمدىكتەرگە قىسقا مەرزىم ىشىندە ناقتى ىس-قيمىل جوسپارىن اياقتاۋدى تاپسىردى. بۇل جوسپار قارجى-ەكونوميكالىق داعدارىس جاعدايىندا وسىمدى ساقتاپ, ينۆەستيتسييا كولەمىن تومەندەتپەۋدى كوزدەيدى.

قاسىم-جومارت توقاەۆ ستراتەگييالىق ماقساتتاردىڭ وزگەرمەيتىنىن باسا ايتتى: ينفراقۇرىلىمدىق جوبالار, تسيفرلاندىرۋ, جاساندى ينتەللەكتىنى ەنگىزۋ, اۋىل شارۋاشىلىعى مەن كولىك-لوگيستيكا سالالارىن دامىتۋ جالعاسادى.

كەلەسى اپتادا بۇل ماسەلەلەر بويىنشا كەڭەيتىلگەن وتىرىس وتكىزىلەدى دەپ جوسپارلانىپ وتىر.