Қазақстан әйелдер құрамасы Билли Джин Кинг кубогының іріктеу кезеңінде Колумбияны ойсырата жеңіп, келесі кезеңге жолдама алды, деп хабарлайды Shalqar.kz.

Бәсекенің шешуші сәтінде әлемнің 10-ракеткасы Елена Рыбакина колумбиялық Юлиана Лизаразоға қарсы кортқа шығып, 2:0 (6:1, 6:2) есебімен жеңіске жетті. Бар-жоғы 52 минутқа созылған матчта Рыбакина өз басымдығын толық көрсетті.

Бұған дейін Юлия Путинцева қарсыласы Валентина Медиореал Арриасты 6:0, 6:1 есебімен небәрі 38 минутта жеңіп шыққан болатын. Путинцева матч барысында бір эйс жасап, бірде-бір қос қателікке бой алдырған жоқ.

Осылайша Қазақстан құрамасы екі сында қатарынан жеңіске жетіп, жұптық кездесуді күтпей-ақ жалпы есепте мерзімінен бұрын жеңіске жетті.