АҚШ-тың Джерси-Сити қаласында туристік тікұшақ Гудзон өзеніне құлап, борттағы алты адамның барлығы — үш бала мен үш ересек адам — қайтыс болды, деп хабарлайды Shalqar.kz Fox News арнасына сілтеме жасап.

Апат бейсенбі күні, жергілікті уақыт бойынша сағат 15:17-де тіркелген. Bell 206 үлгісіндегі тікұшақ Манхэттен орталығынан ұшып шыққаннан кейін бірнеше минут өткен соң суға құлаған. Құтқарушылар апат орнына жедел жеткенімен, тірі қалған ешкім болмады. Төрт адамның денесі өзеннен шығарылса, тағы екеуі ауруханада жан тапсырды.

Нью-Йорк мэрі Эрик Адамс қаза тапқан жолаушылардың Испаниядан келген отбасы екенін растады.

АҚШ-тың бұрынғы президенті Дональд Трамп Truth Social желісінде көңіл айтып, бұл трагедияны “жантүршігерлік” деп атады. “Құдай марқұмдардың отбасыларына жар болсын”, – деді ол.

Федералды авиация әкімшілігі мен Ұлттық көліктегі қауіпсіздік кеңесі апаттың себебін анықтау үшін тергеу бастады. Ресми мәліметке сүйенсек, соңғы екі жылда АҚШ-та 211 тікұшақ апаты тіркеліп, оның 37-сі адам шығынымен аяқталған.