قازاقستاندىق قولدانۋشىلار Instagram-دا وتاندىق ورىنداۋشىلاردىڭ اندەرىن قايتادان پايدالانا الاتىن بولدى. بۇل اقپاراتتى ادىلەت مينيسترلىگى راستادى, دەپ حابارلايدى Shalqar.kz.

ۆەدومستۆونىڭ مالىمەتىنشە, وتاندىق اندەردىڭ قايتا پايدا بولۋى Meta كومپانيياسىنىڭ ىشكى ساياساتى مەن اۆتورلىق قۇقىق يەلەرىمەن جاسالعان كەلىسىمدەرگە بايلانىستى.

«يا, بۇگىندە Instagram جەلىسىندە كەيبىر قازاقستاندىق اۆتورلار مەن ورىنداۋشىلاردىڭ مۋزىكالىق تۋىندىلارى قايتا قولجەتىمدى. بۇل كونتەنت Meta پلاتفورماسىندا مەرزىمدى تۇردە جاڭارتىلىپ وتىرادى. پلاتفورما اۆتورلىق قۇقىقتاردى باسقارۋ ۇيىمدارىمەن عانا ەمەس, اۆتورلارمەن نەمەسە ولاردىڭ وكىلدەرىمەن تىكەلەي كەلىسىمشارتتار جاساي الادى», – دەدى مينيسترلىك وكىلدەرى.

ياعني, Instagram-دا پايدا بولعان اندەر اۆتورلاردىڭ Meta-مەن تىكەلەي جاساسقان كەلىسىمدەرىنىڭ ناتيجەسى دەپ تۇسىندىرەدى مينيسترلىك.

ايتا كەتەيىك, بۇعان دەيىن Instagram-نان قازاقستاندىق ورىنداۋشىلاردىڭ اندەرى جوعالىپ كەتكەن ەدى. كەيىن قازاقستان اۆتورلىق قوعامى بۇل جاعدايدى ليتسەنزييالاۋ ماسەلەلەرىنە جانە پلاتفورمامەن كەلىسىمدەردىڭ بولماۋىنا بايلانىستى دەپ تۇسىندىرگەن بولاتىن.