AQŞ-tıñ Djersi-Siti qalasında turistik tikwşaq Gudzon özenine qwlap, borttağı altı adamnıñ barlığı — üş bala men üş eresek adam — qaytıs boldı, dep habarlaydı Shalqar.kz Fox News arnasına silteme jasap.

Apat beysenbi küni, jergilikti uaqıt boyınşa sağat 15:17-de tirkelgen. Bell 206 ülgisindegi tikwşaq Manhetten ortalığınan wşıp şıqqannan keyin birneşe minut ötken soñ suğa qwlağan. Qwtqaruşılar apat ornına jedel jetkenimen, tiri qalğan eşkim bolmadı. Tört adamnıñ denesi özennen şığarılsa, tağı ekeui auruhanada jan tapsırdı.

N'yu-York meri Erik Adams qaza tapqan jolauşılardıñ Ispaniyadan kelgen otbası ekenin rastadı.

AQŞ-tıñ bwrınğı prezidenti Donal'd Tramp Truth Social jelisinde köñil aytıp, bwl tragediyanı “jantürşigerlik” dep atadı. “Qwday marqwmdardıñ otbasılarına jar bolsın”, – dedi ol.

Federaldı aviaciya äkimşiligi men Wlttıq köliktegi qauipsizdik keñesi apattıñ sebebin anıqtau üşin tergeu bastadı. Resmi mälimetke süyensek, soñğı eki jılda AQŞ-ta 211 tikwşaq apatı tirkelip, onıñ 37-si adam şığınımen ayaqtalğan.