قازاقستان ايەلدەر قۇراماسى بيللي دجين كينگ كۋبوگىنىڭ ىرىكتەۋ كەزەڭىندە كولۋمبييانى ويسىراتا جەڭىپ, كەلەسى كەزەڭگە جولداما الدى, دەپ حابارلايدى Shalqar.kz.

باسەكەنىڭ شەشۋشى ساتىندە الەمنىڭ 10-راكەتكاسى ەلەنا رىباكينا كولۋمبييالىق يۋليانا ليزارازوعا قارسى كورتقا شىعىپ, 2:0 (6:1, 6:2) ەسەبىمەن جەڭىسكە جەتتى. بار-جوعى 52 مينۋتقا سوزىلعان ماتچتا رىباكينا وز باسىمدىعىن تولىق كورسەتتى.

بۇعان دەيىن يۋلييا پۋتينتسەۆا قارسىلاسى ۆالەنتينا مەديورەال اررياستى 6:0, 6:1 ەسەبىمەن نەبارى 38 مينۋتتا جەڭىپ شىققان بولاتىن. پۋتينتسەۆا ماتچ بارىسىندا بىر ەيس جاساپ, بىردە-بىر قوس قاتەلىككە بوي الدىرعان جوق.

وسىلايشا قازاقستان قۇراماسى ەكى سىندا قاتارىنان جەڭىسكە جەتىپ, جۇپتىق كەزدەسۋدى كۇتپەي-اق جالپى ەسەپتە مەرزىمىنەن بۇرىن جەڭىسكە جەتتى.